عندما يسقط الأسد قدام المدام

عندما يسقط الأسد قدام المدام <<<< قصة واقعية ارجو قرائتها

قصة خبل

ذات يوم اصطحبت زوجتي للسوق (وانا في عينها وحش فيقا فيقا) وعند خروجنا من السوق متهاوشين كالعاده واذا بورع عشريني في حجم وشكل شلهوب الهلال على مازدا مكسره وقام بمضايقتي والدخول علي بسيارته حتى اغضبني وصكيت عليه وأوقفته فأشار لي بيده معتذرأ ولكن الشيطان قد ركب شيطانا مثله
فتحت الباب وزوجتي تترجاني تكفى اتركه قلت لها انطمي ونزل الزير الكنتاكي الذي كذب كذبه وصدقها واقبلت على المسكين عندما راى الشر بوجهي قال يا اخي انا اسف -- وقاطعته بضربه خطافيه زيريه خائبه ما ان لامست وجهه الا وكأن جسمه به كهرباء v220 وفي وقت واحد وجه لي ضربات بيديه ورجليه لا أعلم كيف حصل هذا كالحلم ! لحظات الا وانا على الارض جالسا
اعطاني ظهره وهو يقول (يا اخي انا ما ابغى مشاكل الله يهديك روح سيارتك ) فزيت ولحقت به لكي (أشوته) شلوت وما ان لمح ذلك حتى افتـــر حول نفسه وصفقني على الطائر برجله اليسرى في رقبتي وسقطت مغشيا وتجمع الشعب الفاضي دوما علي وقام سائق ليموزين سوداني غير مشكور بأفراغ قاروره ماء صحه على ام رأسي وأفقت بعد دقائق وانا لا أتذكر شيئأ وبدأت أنظر حولي وش صار بالدنيا ليه غرفة نومي كذا وعندما نظرت لسيارتي ولمحت زوجتي بها وهي تضع يدها على رأسها حسره على اسدها المزيف الفشفاشـي بدأت أتذكر وياليت الارض تبلع زيرها او خيخها وقمت من مكاني وانا اسمع من خلفي (شاهد ملقوف ) يقص القصه على (ملقوف لم يشهد ساحة المعركة) ويقول { ولد صغير ضربه بس الولد مؤدب محترم ما يبغى مشاكل وبضربه وحده سدحه}
فتحت باب سيارتي وركبت وخيم السكوت علينا والقشرى كأنها ارادت ان تقول شيئا وفضلت السكوت انزلتها عند البيت وأخذت أبرم في الحاره وأنا اضع يدي على رقبتي والناس تضرب بواري وتسب ولكن الاسد قد فســد
دخلت البيت احمل اغراض السوق ووجدت الزوجه تقرأ مجله ولم تنهض أو تحرك ساكن لحمل الاغراض مني كالعاده ولم أستطع الصياح كالعاده ودخلت بالاغراض ووضعتها وأردت النوم بدون عشاء وتقلبت وأنقهرت فأين اودي وجهي من عيون من كانت تترجاني للعشاء وتغطيني باللحاف --
نهضت وتوجهت للباب خارجا ولم تسألني اين سأذلف ومتى سأشرف وما الومها
ركبت سيارتي وانا مغبون لا اجد حلا ولم أعد أريد هذه الزوجه
ووجدت نفسي عند والدي وقصصت عليه القصه مكسورا وهو يتابع قناه الساحه فلم يرد علي بكلمه وتحسفت على نشر فضيحتي وقلت له وانا خارج انا أفكر أطلقها فصفقني بكلمه وأنا مقفي وقال (ما خليت من خبالة خوالك شي) !!!!
ليه يابوي ليتني ماشكيت لك جرح العمر انا ناقص يابوي

وجدت نفسي في سوبر ماركت االحاره واشتريت عصيرات واشياء لا حاجه لي بها دخلت بها على المدام وهي تكلم التلفون وطبعا لم تغلق السماعه ولم تجود علي بنظره وتوجهت للمطبخ وكأنني انا هي وكأنها هي أنا
وانا متفهم جداً للوضع الجديد وبينما انا اقوم بتوزيع العصير بالثلاجه كأحسن زوجه سمعت جرس الباب يدندن وهممت بالرد فسبقتني واذا بي اسمعها ترحب بأبي !
ويلاه ماذا يريد ؟
هل حضر ليقنعها بالتعايش مع زوجها المضروب وفضلت البقاء في مطبخي !
ولكنني سمعته يسألها عن خبلها
فدخلت عليه وأنا احمل العصير وأمشي على استحيا وخلاص هي خاربه خاربه والطلاق هو الحل
ولكن قلب الاب الرحيم جاء به لكي يحل مشكله لا حل لها وترفع عن مصارحتي بطريقه الحل قبل قدومه حفاظأ على مشاعري ولان الموضوع خنبقه

قال لي غاضبا بعد ان غمز لي بعينه اقسم بالله العظيم ان لم تسمع كلامي اني لاغضب عليك الى يوم الدين ( والوالد من راسه جابها ) الولد اللي اعتدى عليك ورحت تهدده بالسلاح جاءني البيت هو وابوه وجماعته ويبغون الصلح و----
قاطعته غاضبا و بنبرة صوت عالية ,,, وقلت أسمع يبه أنا حقي مايضيع والله ثم والله أني لأذبحه ( ايه هين خرطي )
قاطعني وقال وانا ابوك الولد لاعب تايكوندو لو انهم عشره كان ضربهم ومع ذلك جاءني البيت يتنافض الناس ما يبون الا السلامه !
انت تبغى تضيع نفسك وتقضي عمرك بالسجن ؟؟!! قم وانا ابوك عطني السلاح اللي معك بالسياره وانت يامحمد رجال عاقل و .......
ونقزت زوجتي بوجهي ودموعها شلالات تترجاني بترك المشاكل وأعاد والدي برمجتها الى اللحضات السابقه لنزولي من السياره لضرب الولد

نزلت أتبعه سعيد وفرحاااااااان, وعندما ركب سيارته قلت ممازحاً له يابوي انتظر اعطيك السلاح من سيارتي
قال الله يصبرني عليك ,,, انقلع .... بس انقلع
لاحد يضارب والحرمة معه ههههههههههههههههههههههههاآي

منقول للعبرة خخخخخخخخخ

قصه رائعه
اشكرك مديرنا الفاضل على اختيارها سلمت يداك
ودمت بخير وعافيه

ههههه ههههه الله يعدك يابو احمد
الزمن هذا يحتاج الحكمه اكثر من الشجاعه والا كان بيسير علينا مثل موقف اخون في الله والا خذنا لنا مشكله ربما تتسبب في القتل وخراب البيوت باسباب غضب ولحضه طايشه طاوعنا بها ابليس وخسرنا كل شي وكان الاولى الحكمهوالصبر وهي قمة الشجاعه مصداق لحديث الرسول صلى الله عليه وسلم ليس الشديد بالصرعه 0

انا اضيف موقف حصل معي شخصياً ولا اتعايب ان اذكره لان حتى الكهله لو حملت سلاح وطاوعت هواها قتلت

المهم كنت ذات يوم راجع للبيت معي عائلتي
وانا بالشارع العام والطريق لي دخل علي راعي سياره راجع ريوس في الخط العام وكان بيصدمني رغم ان الخط لي وهو كان واقف امام مطعم والمفروض ينتظر حتى فراغ الشارع مو ينط في وجيه الناس المهم اني لقيت فتحه تتسع لسيارتي ودخلت منها وكنه تضايق ليه ماوقفت لحضرة جنابه
ففتح باب السياره بس الحمد لله بعد ماتجاوزته ههههه واسمع يقول ياحمار <<< يقصدني مافيها كلام ههههه

تجاهلته ولكن موقفي صعب امام المره والاولاد
فقلت خليني اجس النبض وليتني ماتكلمت ههههه
قلت وش يقول التعبان هذا ماسمعت وش قال
فرد الولدالصغير الملقوف ابوي يقو لك ياحمار
وقتها ودي ابرد حرتي واصفقه على اذنه حتى ماعد يسمع زين ههههه
لكن قلت هو قال كذا برجع له اللي فيه مايخطيه وانا اعرف اتفاهم معه فعملت نفسي بديور من عند الاشاره للحاق به فقامت المره تبكي تعوذ من الشيطان بالله خله وفكنا من المشاكل
قلت اعوذ بالله من الشيطان ورجعت البيت سالم غانم
وادردش وماصار شي ههههه

هيه لو طاوعت هوى نفسي وسلاحي كان بالدرج
كان ماسمحت له يمسحي بي الشارع واتهزأ قدام الله وخلقه وتصرفت تصرف ندمت عليه طول عمري
انا بروح فيها واهلك بيزعلون كم يوم وينسونك ههههه

انما الحكمه احسن من التصفيق والموت

الف شكر يابو احمد على القصه التي لها حكمه وطرافه وليت كل الناس ماتتهور كان مامتلت السجون وتشتت الاسر

هههههههههههههههههههه قصه حلووووة طريفة ورجاال في موقف لا يحسد عليه
وكماان ضيف عليها قصة اخووي ملك الليل هههههههههه
لكن بصراااحه مااشااء الله عليك عرفت تتصرف بدوون مشااكل

انا عن نفسي ما احب الرجاال اللي يضرب ولا اللي ينضرب بعد
فليش المشااكل والعصبيه الزايده ويسوي الواحد من الحبة قبة
ويعنني بطل ههههههه وخصوصاً لما يكوون الواحد معااه عياالو مشكله

انا وزوجي مره صار معانا قصه زي كدا
طبعاً كنا بسوق ومر واحد من جنبنا طبعاً انا منتبهت
الا من صوت زوجي يقوله ياكلب يا حيوان والله لوريك
انا وقفت ولتفت فيه الا وهوا ماسكو من ثوبه ويبغى يضربه وهداك ماسكو كمان
ويقوله وش فيك انت مجنون انا صرخت وتسمرت مكاني وربي قلبي
كان راح يوقف من الخوف تجمعو الناس علينا ويفكوهم وزوجي يسب وهداك
يقول والله لو ما كانت الحرمه معاك كان وريتك كيف تمد يدك انا ابكي وقول خلاص
سيبك منو خلينا نمشي وهو لا مصر انو يربيه على قوله ...
لما ركبنا السيارة وهديته شوي قلت وش فيكم وش صار ليش ضربت الرجال
قاالي ماشفتيه كيف يطاالع .... انا قلت انا معاك يعني ليش المشاكل
طيب لو كبرت الحكايه وجات الشرطه واخدوه انا شو راح اعمل الواحد المفروض
لما يكون مع زوجته يبعد عن المشاكل مو يجمع علهم الناس ويمشيئ يتخانق
اصتغفر الله واتوب اليه
مششكوور اخووي ... صقر الجنوب اختيار جميل
تقديري وحترامي لكك

لاحد يضارب والحرمة معه ههههههههههههههههههههههههاآي0
يسعدك ربى يا صقر وعادت الابتسامة من جديد

قصة رائعة وفيها كثير من الدروس والعبر
بارك الله فيك وحفظك الرحمن