شيله يالزيادي

السلام عليكم ورحمة الله وبركاته

الاخ العزيز المبدع لي الشرف في مجاراتك ان حبيت


:

يا مدور حب في كبد السما=ربما تلقى حبيبك ربما
لكن اعمد له صروح وسلما=الأمكان كلها مشتاقه لك

يا مرحبا بك يامحمد وانت ماضي اليوم وين=انته طلعت بْسُلّمه والا نزلت بْسُلّمه

صح لسانك وننتظر المبدع
بس المفروض تكون بيتين والا انا غلطان؟؟؟؟

صح لسانك ... وترى هذا أول دخول ...

العروق اللي تدفّق بالدما=
ماجرت بالحب ياحامي الحما=
ياعسى عين الحسودي بالعمى=
الأماكن كلها مشتاقه لك=
***
ياللي تنشّد عن محمد جاء منين وراح فين؟=
أنا معي لك للقصايد فهرس(ن) ومقدّمه=

صح بدنك وهلا فيك

العيون اللامحه ما نا ظرت=شاهدت ما في كتابك واقترت
من كتابك فسرت ما فسرت=والأماكن كلها مشتاقه لك

انا طريقك لو عرفته ماسألتك مرتين=اللي ظهر منكم ظهر والخافي الله يعلمه

أسفرت لحظة قدومك وأنورت=
وأبرقت وأستبشرت بك وأمطرت=
قصة(ن) تجري .. وقصّه ماجرت=
الأماكن كلها مشتاقه لك=
*****
يابو شهد لاتبرم الحيله وتاهب كلمتين=
المصحف المكتوب مايحتاج شرح وترجمه=

قصة (ن) تجري وانا قصيتها=وابتهالاتك علي عديتها
ما يجوز الظلم يا قاضي تها= الأمكان كلها مشتاقه لك

يا صاحبي شوف البصر ما هو بشوف الناظرين= الحليه الليله علينا من جانبك مبرمه

الله الله

صحت السنتكم وتعافت ابدانكم

القلوب المدسمه شوّيتها=
واللي مافيها دسم كبّيتها=
والعيون المبصره عمّيتها=
الأماكن كلها مشتاقه لك=
****
يابو شهد ..كيفك؟ صباح الخير.. ومن العايدين=
محمد المختار مايعرف كذاب مسيلمه=
****

مرحبا فيك يا متعب وصح بدنك

يا محمد عد حب السنبله=قبل ما ترمي علينا القنبله
لا تحل المشكله بالمشكله=الأماكن كلها مشتاقه لك

هلا صباح النور يا البنور ومن الفايزين=والسالفه في حلها واللي تكنه تكتمه

الله الله الله

ابداع وفتل ونقض على ارقى المستويات

ابو شهد
المبدع

صحت الالسن وتعافت الابدان