واحتميــنا تــراث اجدادنــا فـي زمـان العولــمه

أعزائي جميعا : السلام عليكم ورحمة الله وبركاته ، للشاعرالكبير صالح بن عزيز هذه القصيدة الرائعة القديمه مع الشاعر الكبير سعيد بن هضبان :




البدع : صالح بن عزيز

الله يرعاك يا وجه السعد والمكارم والهبات
يا عريب النسب يا طيب القلب يا رمز المحبه
يابو متعب ولي العهد عبدالله بن عبد العزيز
وقفتك يا طويل العمر بين اليتامى والفقارى
تعطي اكبر دليل ان القلوب اغلضت وانت الحنون
سيدي لو جميع الناس فيهم صفات من صفاتك
كان في مملكتنا ما لقينا فقير ولا يتم
وازع الدين والغيره والاخلاص والهيبه قويه
والتواضع وحبك للوطن والمواطن والملك
يا عضيد الفهد رمز الوفا والفراسة والكفاح
من جنوب البلاد نجدد العهد ونجدد ولانا
وانتمنا يبو متعب يجينا من الغيمة ارشا ش
ارضنا مجذبه والتحليه ما يجينا ماي منها
يوم جفت مواردنا ولا عندنا ما نشربه
والطريق المسفلت ما يمر إل هجرنا ولقرانا
والقرى بعضها تحت الفوانيس ماشي كهربا
والتكاليف زادت والشباب اعزفوا ما شي وظايف
واللي عنده وظيفه ماتغطي مصاريف الحياه
وانت يا سيدي تبذل قصارى الجهود ولا ونيت
ناوي يا سيدي تقضي على الفقر واسباب البطالة
الله يجزيك عنا خير ويبلغك باقي هواك
هذا ما يعني ان المملكة ما تعايش في نعايم
عندنا الأمن والإيمان والعدل والخير الكثير
حكمنا من كتاب الله وحكامنا رمز العدالة
ما يطبق شريعة ربنا مثل دولة بن سعود
وانتعايش مع الحاضر وتاريخنا الماضي مشرف
واحتمينا تراث اجدادنا في زمان العولمه

الرد : سعيد بن هضبان

من تعشى مع اهل الله وله للقلوب الملهبات
أخذ علم القصيم وعلم تمر القصيم وعلم حبه
يا عزيز المكارم لا تخاوي يكن عبد عزيز
والله لو تلحق الغبه نحور الحضانى والفقارا
ان تغنون يا شعار باصواتكم وان تلحنون
فاتك الضحك يا شمات والمطرفة والرقص فاتك
رايكم لو تقوله نرفضه لا يصير ولا يتم
سوقنا تحت روس اموالنا والبضاعة منقويه
والخطاطير تنشد عنك يا سوقنا والعلم لك
كل خاطر تعلم عنك يا سوقنا والعلم لك
ريحة المسك والريحان والعود الازرق فيك فاح
لا رفيقي ولا جاري ولا صاحبي واخسر ولانا
اهبط السوق لو تاخذ من الشاش الابيض متر شاش
بعض الاسواق يهبطها المسوق ولكن ما يمنها
اترك السوق اذا ما تامنه والحذر ما نشر به
شورنا للقريب وللصديق المثالي والقرانا
خلني اسلك سنود وقل ذا ما يماشيك اهربا
ودك تعيد ماتسمع وتجمع فانا ماشي وضايف
والجمل لا هدر ما نسمع الا مصاريف الحياه
يا جمل خير من ركب الجمل حيثله والا ونيت
قد تركنا الجمل من قصرة اخطاه واسباب البطا له
يا جمل جعل ربي يسقي الوادي اللي فيه اراك
الضبا ياجمل في ديرتك والحباري والنعايم
وانت كالنجم في الصحراء وجو الصحاري منك اثير
من يعاديك باذن الله نعاديه ونشن العدا له
حتى الاشجار من ذنب البشر حت عود ونقص عود
انصح الجاهل المغرور واللي على التلفا مشرف
واضربه بالعصا سوطين وان كان جاهل عولمه

صحت السنت الشعار
وتسلم يمينك يالغالي لاهنت

الموج بيض الله وجهك تقبل اسمى تحياتى

متعب الدوسي : الله يسلمك لاهنت أخي الكريم على مرورك المشرف ، وتسلم يا تاج راسي .
د.ليل الوعد : مرحبا بك أخي الغالي العزيز ، وتواجدك أسعدني يا وجه السعد .