خنبقيشن ( 1 ) !!

ياربييييييه
مدري احسّاني مستحي وانا اكتب عندكم .. كني واحدن توّ ابوه مسجّله بمدرسة ابتدائيويبي يشبّك اللي بالفصل عشان يفطر معهم بيض بالجبن بس ماعطوه وجه يادافعالبلا



صحيح مقصّر بالجيّه هون بقروب نواف بيك حبيب القلب والروح والكبده بس العذر والسموحة والشكوى لله .. القروب حشر بريدي رسايل وإيميلات .. بس مع زحمته إلا انه يفتح النفسعلى الصبح بدري وفي توالي الليل .. مهما كثرت الرسايل وفقعت مخّ الواردبالإيميل إلا أني استانس واقول بنفسي : زِدني يابو حُسام زِدني يالبى قلبوبكو بس

منقار نمله ياللي وجهك كنّه ملف علاقي .. آلحين يومك تحشّ فيني بكل إيميل ترصّنا فيه .. على بالك اني ماأقرا انت ووجهك يالمخيس ..
ياخليعليك ايميلات كنّها صفحة كراسة رسم .. يقطع ام التنسيق بس ياشيخ ههههههههمليون لون في سطر .. ياخي اعميتنا الله يعمي قلب العدو



بس خل عنك .. انت تفتح النفس .. تفتح الشهيه .. تسد الخاطر الله ياخذك هههههه
تذكرني بإذاعة الصباح اللي تطلع فيه وحده صوتها حلو وتقعد تهذّ علينا النشرة ... سياسة إقتصاد فن غزل وبالنهاية سلام وطني

أيمن الجعفري

مواضيعكطويله ووجهك طويل .. ويوم دققت في مواضيعك آلا كل موضوع مافيه إلا ثمانكلمات كل كلمة بسطر .. ياخي وراك متكلف وحاطّن لنا حشو في مواضيعكههههههههههههه

يازينكم بس .. وهـ ياناس وهــ

اشكر كل منســــأل عني على الإيميل والا دقّ علي واشغلني بمليون طعشر مكالمة لم يردعليها والا كلم أبو حُسام وجاب في راسه الصلع وخلا جبهته أكبر من قارةامريكا الجنوبيه



أوعدكموعد أني أرجع واصير مثل أول كل سنة منزّل لي سطرين وخمس حروف ( وجه يطالعبأيمن يقول تراي مانيب مثلك أنا أكثر منك بثلاث حروف ونصّ ممدودة ههههههه)

خنبقيشن

ماعندي موضوع اتكلم عنه .. لأن المواضيع كثيرة .. وامر الله شق القربة

ودي اتكلم عن عشرين حالة في صفحة ونص .. بس المشاكل مايكفيها قرطاسة ولفّ ورق ..

عِندماتزقزق العصافير على أجواء صباحٍ جميل فالتعلم أنكَ لزوم تلبس ثوبك وتلفشماغك وتذلف لعملك وتدقّ لطمة قبل تطلع مع الباب لأن أجوائنا بالرياض "أجواء متقلبة " وكل يوم شي جديد وغبره جديده وريحه أوّل مرّة تشمها !

هيئة الأرصاد وحماية البيئة تحذر المواطنين من كومة غبار متوجهه للرياض !
هيئةالأرصاد وحماية البيئة تتوقع هطول أمطار خفيفه بعد غدٍ مسحوبه برعود علىشمال وجنوب الرياض ، ويمكن تلفح شرقها وتمرّ على سوق حجاب !

لا مطر جانا ولا غبار كفانا !

هيئةالأرصاد .. كرسي وخبر ومتعرّفين على صحفي بجريدة الرياض عشان يجيب طاريهمكل شهر بالجرايد ويحسسون المجتمع أنهم يشتغلون ويفرمون ورق بالفرّامة كلصبح في مكاتبهم !

مدري ليش بعض المؤسسات الحكومية ماخذه ميزانية على غير سنــع ..

إذاهي هيئة فـ حنا ياحبيبي مانبي منها تصاريح .. نبيها تجتهد وتنزّل بالوسائلالإعلامية كيفية الوقاية من هالسموم اللي حطّت في تسبودنا شحن رمل وخلتناندخّن من فوق ومن تحت يادافع البلا



نبي منها قول وفعل وجوهر !

على طاري " جوهر " .. يقولون انهم شالوا ناصر الجوهر من المنتخب !
طيبياناصر ياحبيب قلبي .. أبي طربوشك هاللي من عرفتك مدرب المنتخب وانت لابسههههههههه .. ودي اشخّص به قدّام ربعي واقول وش رايكم بهالقزوعيه الليكنّها خبزة مفرود مليانه زعتر


ناصر الجوهر ..
علامك تدهور منتخبنا ؟

أجلتحط لي كومة دفاع قدّام هاللي عيونهم مجنخره وناسين شي اسمه " هجوم " ..اعنبوا بليسك آلحين شلون تبينا نروح لكاس العالم وفريقك كلهم اثنين دفاعثلاثة دفاع خمسة دفاع !
لا وذيك التصاريح اللي كاتبينها الإعلاميينبالجرايد قبل المباراة " سندكّ صروح الكوريين " والا " سنهاجمهم في قعردارهم " ههههههههه امشششوا والله لو انكم بتحاربون كوريا على هالتصاريحكان دقينهم دقّ الهيل



عالعموم.. هي الدنيا دروس ولازم تعرف ان المنتخب بحاجه إلى ترابط دفاع مع وسط معهجوم .. مهوب تربط لي الدفاع بالوسط كنك رابطن صدّام موترك بحبل لايطيحومخلي الهجوم مافيه إلا مقعد طيارة بدون راكب .

كل ماأتمناه ويتمناه الشعب السعودي أنهم يشدون حيلهم في المباريات الجايه ويحرسون الباب زين هاللي كنه باب عمارة ماعليها حارس ..

على طاري الحارس ..

خويي يعرف له حارس مدرسة متوسّطة ..
كان وش حليله .. جيّدن بدراسته وماخذن تقدير يمشّي الحال ..
تخرّج ومثل العادة .. قعد في بيتهم ثلاث سنين يقشّر بصل مع امه كل يوم في المطبخ .

دوّر له وظيفه بس ماش مالقى .. آخر شي توضّف في مطعم كنتاكي وطردوه لأنهم كفشوه وهو يسرق كتشب ومايونيز لبيتهم ..
اشتغلبعدها سكورتي في بنك الراجحي وماجاز له الوضع .. اجل يداوم من تسع لخمس ثميرجع للبيت ويرقد خمس ساعات ثم يصحى ويغسّل وجهه ثم يرجع للبنك ههههههههوش ذا الحااال .. والله لو اني مثله ان الفّ مطرحي تحت ابطي وارقد عند الصرّاف لينيفتحون الباب .. عاد صرافاتهم يازين برادها وياشين كزّتها للدراهم ..
ازينمافيها الديكور والا الصرف فيها مخيس .. اجل تدخّل بطاقة الصراف وتقعد ربعساعة عشان تطلّع لك مية ريال .. كل شوي يسألك سؤال كنك قاعد تختبر اختبارعلم نفس ..
لا واللي اشين منها إذا قالت لك الصراف ( ترى مافيه إلا 500ريال .. تبيها والا اذلف ههههه ) ياشين هالحركة .. مدري ليش كل ماصارت لياحسّ ان الراجحي منحدّ يصرف للناس من امهات خمس هاللي عنده ويبي يحطهن فيظهر هالشعب المُخملي اللي بالعن له صامولة مايفكها إلا مفك حديد صلب ..

على طاري البنك ..

قد شفتوا مواطن ماعليه قرض ؟
طيبان شفتوا مواطن ماعليه قرض فـ سلموني عليه وقولوا له : ان كان له نيّهياخذ قرض فلا يستعجل .. يقولون والعلم من وكالة يقولون والرازق الله : انالبنوك بتخفّظ نسبة فائدة البنك من القرض من 5% إلى 20% !!

تدرون عاد انا ودي ان عندي بنك .. تدرون ليش ؟
عشانأحط نسبة الفائدة 80% ,, لأن المواطن مسكين .. مايتكلم .. مايشتكي ..مايقدر يقول شي .. أطلق شي يقدر يسويه يطلع من البنك ويقعد يلعّنههههههههههه

أجل بنك آخذ منه قرض ويحط علي رسوم 500 ريال عشان الموظف وقّع على ورقة .. يقولون هذي رسوم بنكيّه ,, ماآدرش أأول حاقه لأني مواطن غلبااان !!

أجلتجلس قدّام الشاشة تبي تشوف شي زين ويقعد هالشريط يشغلك كل شوي : أدعوا ليبالزوج الصالح اللي يفتح لي بيت ويجيب لي شغالة - بنت الرياض - ... أنابنت عمري 19 وثلاث شهور أعاني من كبت عائلي وودي أعيش زي البنات وأغيّرجوّي ولو يحصل بعد تلاقون لي زوج مانيب مخالفة - سندريلا الغربية - ...توفي أبي وبقيت لي أمي وأنا وحيدة وأبحث عن شاب ولو مسيار أزبن أنا وياهافي الملحق فوق ، رقم التلفون عند الكنترول - سميرة العدنية - ..

وهكذا

زفّةرايحه وزفّه جايه .. وبنيّن يفطّرون التسبد ويملون الشريط .. هذي تنوحوهذي تتوجّع .. هذي تقول ابي رجل وهذي تبي لو مسيار .. والضحية اناواشكالي اللي إذا صار قدّام الشاشه يقوطر ويسعبل من كل مكان .

المشكلة تشوف بس لو تبحث ماتلاقي أحد !
وإذا جيت للأمر الواقع قامت تتشرط عليك بشروط كنّك تبي تعيش معها طول عمرك وبتاخذ عليها صكّ !

مرّةلقيت رقم خطّابه عند مركز خدمات طالب على الجدار .. والله ان الخطابه ذيكبعد متويقعه صح ههههههه عارفتن ان اللي داخلين طالعين مع الباب حق المركزكلهم من نمونتي +18 وكل الاشرطة اللي بسيارته ماتحتسي إلا بالامور النازله .. تقول بالإعلان ( يوجد لدينا بنات متزوجات وبنات ماتزوجوا ... بكر ثيّبمطلقة . على حسب الطلب ) .. صار مطعم ذا .. ماعاد باقي إلا تكتب / عندنامشاوي سورية وهمبرقر على الصاج

<div style="text-align: center;">
خذتالرقم ودقيت عليها .. عطيتها المواصفات وقلت كل شي عنّي .. اتوقع لوتسألني عن ( وين رحت ذاك اليوم ومن اني سهرت معه وكيف جلست بالصالة ، هواني فوشحت والا قعدت على المركى اشوف التلفزيون ) اتوقع اني باوصّف لهاحالي .. يابني دي خطاااابه

قلت وين ساكن .. وكم عمرك .. وهل تبيها سمرا والا باااضا كما النجفه .. وهل تحبها تضحك والا تبيها رسمية .. يلعن ام الاسئلة اللي جايتن معترضه . اجل احد يبي وحده كل شوي يترافس هو واياها ..
من ذاك اليوم وانا كل شوي اشوف الجوّال . اوّل مرة بحياتي احرص عليه واي رقم غريب يدق علي اتصل فيه ...
<span style="font-weight: bold; font-family: Simplified Arabic; font-size: 14pt;">بعداسبوع جاني اتصال من وحده .. وطرت بها وماعاد باقي إلا ادخل مع السماعةواخمها واحلف عليها اننا ذاك اليوم نتعشى سوا بالنافورة دام العيال نايمين

يعطيك العافيه
وعساك على القوه

اشكرك عزيزي

^_^