مكثور خير النشاما اليوم جاني وسام (محاورة بن يحيى وعاشق المها)..

اشكر ادارة منتدى رباع على منحي اغلا وسام والحقيقه ان تواجدي مع هذه الكوكبة الشعرية وهذه الاقلام المميزة لغرض الاستفادة.
وتقديم ما نستطيع تقديمه لخدمة موروثنا الغالي
الذي مهما عملنا لن نوفيه حقه ، بغض النظر عن الاوسمـه.

مكثور خير النشاما اليوم جاني وسام =
ياصقر واجب علينا ندعم المنتدى=
وانا دريت ان فيه ابطال وارواس قوم =
مثلك وشرواك ياتاج الفخر والشرف=
وانتم هل الطيب واهل المرجله يارباع=
امداحكم قبل هذا اليوم ندري بها =

صح لسانك وعلا شانك وألف ألف مبروك يالنشمي وأتمنى لك كل خير وفي كل مكان وأبو احمد كريم وانت تستاهل وهذي بيتين على الطاير أعذرني على تواضعها .....لأنّي باروح أصلي الفجر ...

كــريـم يـعـطي كـل نـشـمي وسام
مـبـروك يـاعـبدالله تستاهل اشكل
تـسـتـاهـل الـتكريم واشـكـل مـنه

وهذا رد على بدعك الراقي واسمح لي لا يرقى لمستوى بدعك ....

رد أبو فيصل

مـبـروك يـا شاعر ٍ فـالـسـوق يـشري وسام

إنــت الــدوى لــلـقـلوب الـظـامـيـه مـنـت دا

يـاجـعل من عاملك بـالـحـقـد يـروى سـقـوم

يـاذيـب رمشك خطر مـاهو مـن الـلاش رف

ويــا فــارس الــقـوم يـا خـيّـال يـربـع ربـاع

وجـــودكــم بـــيـــن خــلــق الله نـدري بـهـا

اقتباس : المشاركة الأصلية كتبت بواسطة عاشق المها [ مشاهدة المشاركة ]

صح لسانك وعلا شانك وألف ألف مبروك يالنشمي وأتمنى لك كل خير وفي كل مكان وأبو احمد كريم وانت تستاهل وهذي بيتين على الطاير أعذرني على تواضعها .....لأنّي باروح أصلي الفجر ... كــريـم يـعـطي كـل نـشـمي وسام مـبـروك يـاعـبدالله تستاهل اشكل تـسـتـاهـل الـتكريم واشـكـل مـنه

ابو فيصل تسلم وصح لسانك على البدع وعلى الرد في نفس الوقت
وهذا من زود اهتمامك وطيبك وافي الله يطول عمرك .

الرد/ عبدالله يحيى =
سلمت ياسيفاً خطيراً وسام=
في حومة الميدان وش باد وش كل=
والا هوى في العظم وش كل منه=

~~

وهذا اقل مانقوله مقابل تواجدك بهذه الصفحة

البدع / عبدالله يحيى=
لا هنت ياشاعراً للقيف قايم مقام=
ماهمه البدع في ضرب المثل والردا=
يصوغ الامثال حسب اعرافنا والسلوم =
تعيش يالشاعر الدندون والمحترف=
والمرجله مالها إلا كفوا وإلا شجاع=
مثيل ابو فيصل الطولات ياجي بها =

اقتباس : المشاركة الأصلية كتبت بواسطة عبدالله يحيى [ مشاهدة المشاركة ]

~~ وهذا اقل مانقوله مقابل تواجدك بهذه الصفحة البدع / عبدالله يحيى= لا هنت ياشاعراً للقيف قايم مقام= ماهمه البدع في ضرب المثل والردا= يصوغ الامثال حسب اعرافنا والسلوم = تعيش يالشاعر الدندون والمحترف= والمرجله مالها إلا كفوا وإلا شجاع= مثيل ابو فيصل الطولات ياجي بها =

وافي يابوعبدالرحمن والله لا يهينك يالنشمي والحقيقه لا نرقى لمستواك لا في الشعر ولا في غيره ولي الشرف في الرد عليك واسمح لي على القصور ...rolleyes:

الرد ابوفيصل

مـثـل الـجـبـل شـامـخ ٍ عبدالله قايم مقام

سـلـمـت مـن كـُل شـرُّ ونـظرة أهل الردا

أخلاقـكـم عـالـيـه فـي حـرب والا سـلـوم

لـك نـظـرة ٍ سـامـيـه ما هي بلمح الترف

يـشبعك كفّك وبعض الناس واللاش جاع

يـاقـايـد الـقـوم يـاضـرغـام ونـجـي بـهـا

البدع/ عبدالله يحيى=
حي الله من له في الامثال منبع دعام=
من يسمع اقصائده يطرب لها من شدا=
ماهي بيوتاً تجينا بالكدر والسموم=
ولا يسدد بلا مقلوت وابلا هدف =
الكفو يبدي لنا ياشيخ واللآش راع=
مأجمل بيوتك يبوفيصل وياطيبها =

الله يوفقك يابو عبدالرحمن ويرفع قدرك يالنشمي ولا يهينك ويجبر بخاطرك ...

الـرد ابوفيصل

يـامـرحـبـا يـالباس الجنب من بعد عام

طـالـت بـك الـغـيـبه عنّا كيف ما تنشدا

سـافر بك القارب إللي ماتعرّض سموم

يـسـيـر فـالـبـحر لا مجداف وابلاه دف

وسـرعـتـه فايقه عالوصف وبلا شراع

أمـواج يـظهـر بـهـا وامـواج يـاطي بها

الله الله الله يابو فيصل ويش هذا العلم
يايخي كلامك يشووووق للقصائد

على قل معرفتي جبرتني على البدع

البدع / عبدالله يحيى =
ياما في الغرب من ضيقه وبالشرق يام =
اثار عمري مفارقني ورايح سدا=
واظن ماعد يفيد الحزن عند الليوم =
روحي من الوجد باتت (تحتظر بالعطف)=
والصدر ياصاحبي من تعبته ونّ زاع=
من قسوة الهجره وإلا من بكا ذيبها =

شكراً يابو احمد على مرورك المشرف والتشجيع الله لا يهينك ويرفع قدرك ...
وشكراً لإخواني الذين شاركونا بتعليقاتهم وتشجيعهم كلن بإسمه والله لا يهينهم ...
*****************

واستلم يابو عبدالرحمن الرد المتواضع الذي لا يرقى لبدعك الجميل ....ويشرّفني مجاراتك يالنشمي ووسام على صدري والله يعيننا وإياك والمسلمين على هذه الحياه ويعيذنا من الفتن .

الـرد/ ابوفيصل

أهـل الـفـتـن فـي مـجـالـسها وبالشرّ قيام

مـاعـنـدهـم راي خـيـر إلاّ بـراي احـسـدا

على سوالـيف فـيـهـا الـشـرّ ظـلّـوا لـيـوم

ونـاس مـالفتنه ماتت تحت ضرب العُطف

واشـناب شابت من أهل المشكله والنزاع

ونـاس عـبـر الـفـضـا نـسـمـع لـكـاذيـبـها