مدونة ونات ونة جنوبية ( أرحب بمشاركة الجميع في مدونتي )

[table1="width:70%;background-image:url('http://www.ruba3.com/vb/mwaextraedit4/backgrounds/2.gif');border:10px inset silver;"]

يالله ياقلبي
يالله ياقلبي خذ جروحك .. مشينا
ماعاد لك مقعاد في ديرة اغراب
وش تنتظر .. يكفي اللي حنا لقينا
الهم صاحـبـنا .. ولا عندنا احباب
يغرك .. اللي قال تـونا بدينا
لا ياقلـيـبي انت في ديرة الغاب
كلن على نفسـه وحنا عطينا
بس العطا مافاد هم سكروا الباب
حتى الهوى اللي قال كله يجينا
يتفـنن بجرحك وهو ما بعد طاب
وش ترتجي من شاف نفسه علينا
يلعب بنا من دون ما يبدي اسباب
حـنـا عطيـنا وانجرحنا وبكينا
لكن مزاجه جرح ينبت لنا عتاب
حـنـا هويـنا وبالمحبه بنينا
وهو يهدم الاشواق همه وترحاب
الظلم ســهل وكلنا قد درينا
بس العدل وينه أضنه معي تاب
والصبر لو يحتال ماهو بيدينا
يكفي صبر ياقلب الحب ما صاب
ياقلب صبرك حنا والله ابتلينا
بالحب لكن انتظر رب الارباب
اللي يوسعها ويرضى علينا
ويجيرنا من هَمْ حبك والاحباب
*******

وبستمر
العداااااله
دايم أحبك .. من عرفتك إلى الآن
وبستمر .. لو وقف النبض فيني
مالي نهايه .. واعتبر كل ما كان
لا شي..باقي عندي روعة حنيني
***
مثلي أبد ما يحس بك إنس أو جان
وغيرك أبد والله ما تشوف عيني
أتنفسك عشقي على طول سهران
لجلك وهبتك كل باقي سنيني
***
ياللي تبي قلبي إذا حب ينهان
ماهي عداله .. وف بالحب ديني
أعطيك كلي وانت بالحيل عجزان
حتى تـقـدر يوم .. مدة يديني
***
ترمي الحكي وتقول ماني بخسران
ولا حسافه .. ثم تقطع وتيني
إنسان أنا لكن ولا كل إنسان
أبغى الكرامه اليوم ((دايم )) تجيني
**********

انت الذي لك بالمراجل مواقيف

صداقتك طول الزمن تاج راسي
صداقتك ماهي مخادع وتزييف
على الشرف والطيب ساسك وساسي
يابن الرجال مفرقين المواليف
تروس في يوم اللقاء ماتراسـي
اللي بيوم المعركة ترفع السيف
أفعالهم مثل الجبال الرواســـــي
وايضا تقدر واجب الجار والضيف
ناس تماشي بالشرف كل ناســـي
سطر لها التاريخ علم وتشريف
ماهو كلام الضعف ولانتكاســــي
وصداقتك ماهي بجمع السواليف
ولاهي صداقات القلوب النجاسـي
إللي صداقتهم مثل بارق الصيف
يصادقك بالليل والصبح ناســـــي
والياطلبته شي صرفك تصريف
وإليا بغاك يصير فضه وماســي
ولانت ذخري بالسنين الشواحيف
وأنته عضيدي كل مالان باســــي
ولياحصل لي في زماني صواديف
أنصاك لاجاء بالزمان افتراســـي
ياصقر دايم منزلك بالمشاريف
ولا الخرابه منزلن للبساســــــــي
هذي بيوتن عنك موجز وتعريف
ياعز صدقاني وياتاج راســـــــي

البارحه والنوم من عيني كما الظبي الجفـــول

ماغمضّت عيني على حلو المنام ولاغفــــــت
أسهج على كف اليمين ويقطع السهجه ذهول
وأفزّ والنيران في داخـــــــل خفوقـــــــي ماطفت
كلّه على شـــــــان الغنوج اللي لها قلبي ذبول
اللي سطت بأقصى فوادي وسرقتني وإكتفـــت
يفداك قلبي والضلوع العــــــــوج لك عرضٍ وطول
وتفداك روحٍ ســــــاقها حبـــــــــك عليك وشرّفت
يانور عينٍ كــــــــــل زولٍ من غلاهـــــــا لك يزول
عينٍ نظرهــــــــــا لك صفا ولغير شوفك ماصفت
لبيــــــــه ياذكر الحبيب اللي على صدري يجول
ولبيه ياطيفٍ ســـــــــــرى عقب العواذل ماغفت

البدر
ماهو ضروري يلتفت للخلف
لو بالطرف
إللي ضروري .. يعرف معاني الحرف
ما يقرى عنوان الرسالة
لا .. لا
إللي ضروري
يقرى اللي جوا الظرف

يا عين عمدان السهر قامت ولا حولك منـام

الهـم جانـي مبتـداه ورحمـة الله شامـلـه
تلعب بي الدنيا وأنا كنت أحسـب الحـظ قـام
الله يعوض خير فـي جهـد اليديـن العاملـه
مثل العقيم اللـي رزقـه الله فأحلامـه غـلام
من فرحته مـا فارقـة راس الغـلام أناملـه
ما تمت الفرحه وراحة روحـه بسـن الفطـام
الله عطا والله خـذا فرحـه ولا هـي كاملـه
خاف من أوجاع الزمان وفاع من نفح العسـام
وليـا تمنـى جمـع أشـد العنـا عوامـلـه
عيا يزيـن الحـال حتـى فالتمنـي والكـلام
الصبـح مقتـول التوهـم والليـال أرامـلـه
أقدار سوت بي سوات الشلف عجلات الـولام
تبطش ويبطش فالحشا صيب الجروح الداملـه
شرع الدهر يومين زيـن وشيـن لله الـدوام
عدا الليالي مقبلـه مـدري وشنهـي حاملـه
والحظ ما يسمع ولا ينطـق ولا عنـده نظـام
أظن لو يعرف عـن راعيـه فـز وقـام لـه
ما فات مات وببتدي ما دام لي شـف ومرام
دام الأمل موجـود فقلـوب الوجيـه الآملـه
اللي زرع يحصد وأنا بالنور واجهـة الظـلام
واللي يكـرر غلطتـه بانـت عليـه الخاملـه
يا صاح أنا سقت القدم صوبك ولا فيها كـلام
خل النظر حول النظر تلقى علومـي صاملـه
الذيب ما هرول عبث والطـق فالميـت حـرام
والحـر تكفيـه الإشـاره لا بغيـت تعامـلـه
أنا ما أسج الرجل للي يرتخي وقـت الزحـام
أسجهـا للـي علومه طيـبـه وأزامـلـه
لا من صحبنا ما صحبنـا إلا رفيعيـن المقـام
الكير نحرب نافخه والمسـك نصحـب حاملـه
ما هانت العشره يخيك إلا على روس الهـلام
أترك سميلات الجداد ألبـس جـداد الساملـه
اللي ما يعنيني ما يعنيني ولا أعطيـه إهتمـام
كوامـلـه نواقـصـه نواقـصـه كوامـلـه
قلنا ذلـول حـزام مردوفـه وزعلنـا حـزام
يحسب ذلول حزام لا مدري يحسب حزام لـه
أقدام سيقـان النعـام تأثـر بـروس النعـام
أثر النعامه راسهـا لا طـال تصبـح ثاملـه
حمل الرسايل والمسافه فوق جنحـان الحمـام
الطير بالمكتـوب حايـم للوطـن مـا حاملـه
روس الحبال معقده ما بين جوخ وبيـن خـام
الموقف الغصـاب سلـم لـي علـى قراملـه
الطيبيـن مصدريـن العلـم قصـاص العظـام
الطيب لو ما جـاء ولا جاهـم يغنـي زاملـه
وإن ضاعوا أهل المعرفه قلنا على الدنيا السلام
أصل الأصايـل يحتويهـا مـا تعـود هاملـه
يعينها اللي فاللقاء ضـاري علـى ورد الحيـام
يزعزع البيدا ولا جـار الزمـن فـي زاملـه
كان الزمن عيا يطيـع فخلهـا راس وسنـام
وأخيك من بعد التعب عبـر إبتسامـه جاملـه

يافهد لا صارت الدعوى هدايا ** عندي الابيات هذي لك هديه
لا يغرك كثر توصييف المزايا ** مرتبة بعض التكاسي مخمليـه
لا لقيت ابو السوالف والحكايا ** لا تصدق لا كثير ولا بلـــــــيه
لو يقول انه مسوي له سوايا ** من محيا الشخص تعرف داخليه
للقلوب وجيهنا مثل المرايا ** للفطين تقول اشعه مقطــــــعـــــيه
من تقاسيم الملامح والحلايا ** تظهر الصوره بخبره مجهـــريـــــه
تكتشف باسبابها اسرار النوايا ** كان تحليلاتك الها واقــــعــيــــــه
لو مغير الله عليمٍ بالخفايا ** ماش حكم الا بــــعــــــد فهم القضيه