الوسام .. الاكاديمي ابن الجنوب ..حسن القرشي ... لؤلؤة زهران كل الحكاية قسم المحاورة


 
 عدد الضغطات  : 5645


إهداءات


 
 

منتدى العرائيس كل مايخص العرائيس والزواجات والملكات وماتحتاجه في ليلة العمر

« آخـــر الـــمـــشـــاركــــات »
         :: سياسي / الرئيس الأمريكي يلتقي العاهل الأردني (آخر رد :صحيفة رباع)       :: جولدن كولاجين الحل السحري لإزالة التجاعيد (آخر رد :ضياء روحي)       :: رياضي / انطلاق بطولة الرياض للشطرنج للأطفال في نسختها الثالثة (آخر رد :صحيفة رباع)       :: عام/ رفع أكثر من 4000 متر مكعب من المخلفات خلال أسبوع بالخفجي (آخر رد :صحيفة رباع)       :: خدمات تسويقية ورقمية عبر موقع مسؤول (آخر رد :ماريا عبد الله)       :: عام / الصحف السعودية (آخر رد :صحيفة رباع)       :: رياضي / الأهلي المصري إلى ربع نهائي كأس العالم للأندية (آخر رد :صحيفة رباع)       :: سان سباستيان (آخر رد :رنيم حمدي)       :: هل منصة هوج بول نصابة؟ (آخر رد :ماريا عبد الله)       :: محرك (آخر رد :رنيم حمدي)      

إضافة رد
 
أدوات الموضوع إبحث في الموضوع انواع عرض الموضوع
#1  
قديم 02/11/2012, 01:08 AM
سكاتى عذاب
نقاء âيه ôîًَىà
Saudi Arabia     Female
SMS ~
سبحان الله وبحمده سبحان الله العظيم
لوني المفضل Deeppink
 رقم العضوية : 24517
 تاريخ التسجيل : Jun 2012
 فترة الأقامة : 3879 يوم
 أخر زيارة : 23/09/2013 (03:20 PM)
 الإقامة : قلبي حبيبي
 المشاركات : 526 [ + ]
 التقييم : 502
 معدل التقييم : نقاء is a glorious beacon of lightنقاء is a glorious beacon of lightنقاء is a glorious beacon of lightنقاء is a glorious beacon of lightنقاء is a glorious beacon of lightنقاء is a glorious beacon of light
بيانات اضافيه [ + ]
افتراضي مجموعه نصائح مهمة للعرائس ، نصائح غاليه لكل عروس ( ارجو التثبيت)



نصائح غاليه لكل عروس ( ارجو التثبيت)






السلام عليكم ورحمة الله وبركاته


"عروسة 2009"، علشان كده أحب أقول لأي بنت فرحها قّرّب ونفسها تبقى أجمل وأحلى في يوم فرحها..


أولاً :






لازم تكوني واثقة من نفسك في اليوم ده جداً، وتخليكِ على طبيعتك قوي، وتبتسمي على طول، وتثقي في كل خبراء التجميل والأزياء اللي هتتعاملي معاهم في أحلى يوم في عمرك وهو يوم زفافك، اليوم اللي بتحلمي بيه وبتفكري فيه من وأنت صغيرة.

ثانيا :



رتبي أفكارك واحتياجاتك قبل الفرح بـ3 شهور على الأقل، وخصوصا لو فرحك في الصيف أو في الأعياد، عشان أماكن الأفراح في الأوقات دي بتبقى زحمة جداً وعلى فكرة المفروض ترتبي نفسك من أول الفستان لغاية القاعة اللي هيتعمل فيها الفرح وبعدين شكل المكياج والطرحة.

ثالثا :



الرشاقة هي الحاجة المهمة اللي بتفكر فيها العروسة وعلشان الفستان يبقى حلو ومظبوط عليكِ أنصحك لو وزنك زيادة شوية تتبعي نظام غذائي قبل الفرح على الأقل بشهرين، وإن وجباتك تكون بتحتوي على كل ما هو صحي ومفيد وبلاش الوجبات السريعة لأنها ممكن يكون لها تأثير كبير على بشرتك، كمان ممكن زيادة الملح أو السكر تظهر حبوب كتير في أماكن كتيرة في وشك وجسمك وخصوصاً لو كنت من الناس اللي عندهم حبوب أو استعداد للحساسية ويا ريت لو لقيتي أي حبوب ظهرت في بشرتك تروحي لدكتور جلدية عشان يشوف بشرتك ويقدم لك العلاج المناسب.

رابعا :



لازم تهتمي ببشرتك قبل الفرح بفترة كافيةوتستخدمي ماسكات وزيوت طبيعية عشان يبقى جلدك ناعم وجميل زي بشرة الأطفال، والمفروض إنك تسيبي شعر الجسم قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل عليكِ إزالته بسهولة قبل الفرح.


خامسا :





خلي بالك من أسنانِك كويس، عشان دي أول حاجة بيشوفوها لمّا بتضحكي في الفرح، وياريت تروحي لدكتور أسنان عشان تنظفيها قبل الفرح بأسبوع ولو عندك مشكلة فيهم لازم تصلحيها قبل الفرح بشهر على الأقل.

سادسا :





كمان الاهتمام بالعين حاجة مهمة جداً وده لأن العين هي اللي بتبين جمال الوجه علشان كده يا ريت تحاولي تنامي كويس قبل الفرح بأسبوع أنا عارفة إنه صعب بس حاولي، ولو هتلبسي عدسات ملونة أو نظر يبقى لازم تشتري واحدة جديدة قبل الفرح ومتنسيش القطرة ممكن تحطي "فايزين" أو" بريزولين بلو" قبل الميك آب، علشان القطرة بتساعد إن العين متكونش حمرا في الفرح.

سابعا :





بالنسبة للمكياج والطرحة فدول بيكونوا أهم حاجة بتفكر فيها العروسة المحجبة... أما العروسة غير المحجبة فبتبقى قلقانة أكتر على شكل تسريحة شعرها هتبقى عاملة ازاي؟!، والاتنين عايزين يعرفوا الشكل النهائي في الفستان وفي كل حاجة في الفرح وطبعا كل حاجة من الحاجات دي هنتكلم عليها بالتفصيل في حلقات قادمة إن شاء الله...

بس بصفة عامة ياريت تختاري متخصصين سواء لتصميم أزياء فستانك أو خبيرة تجميل لمكياجك وشكل طرحتك وتكوني واثقة فيهم جداً وعندك حد مجربهم قبل كده من العائلة أو من أصحابك أو شوفتي شغلهم في الصور أو في فرح حضرتيه وعجبك شكل العروسة.


ثامنا :




حاجة تاني مهمة جداً هي التصوير وتفكيرك فيه لازم يكون جد جداً لأنك بتخرجي من الفرح كله بالصور والفيديو لأن اللي هيفضل معاكي طول العمر هو صور الزفاف وصور الفرح، والمفروض إنك تشوفي شغل المصور عشان تحددي الصور اللي عايزاها وبتحلمي بيها طول عمرك.


تاسعا :



لازم تعملي شنطة صغيرة تحطي فيها أدوات تجميل بسيطة زى مثلاً بارفان وشراب وإبرة وخيط أبيض ومقص صغير ومانيكير وأسيتون وقطن ومزيل مكياج وكريم مرطب، احتياطي عشان ممكن تحتاجي لهم أثناء الفرح، وكمان ممكن تستفيدي بيهم بعد الفرح إن شاء الله.


فرحك من شخصيتك


لازم تعرفي شخصيتك نوعها إيه؟! قبل ما تتعاملي مع أي متخصص في المكياج أو في الشعر أو حتى في الفستان فمثلا فيه شخصيات كلاسيك وشخصيات مودرن شوفي أنت مين فيهم واعملي فرحك من شخصيتك.... هقولك إزاي:


الشخصية الكلاسيكية أو (الهادية)




مكياجها

في الفرح لازم يكون هادئ، لأنها بطبيعتها مابتحطش مكياج كتير في الأيام العادية، وفي الفرح ألوان الآيشادو أو ظل الجفون لازم تكون ألوان فاتحة وبسيطة زي "الروز" و"الموف"و"البيج"،وكمان رسمة العين تكون رقيقة ومافيهاش أسود كتير يعني لون واحد فاتح على الجفن وماسكرا، وممكن لون فاتح جوه العين زي "الأخضر" أو "الأزرق" أو"الفضي"....

وألوان الروج لازم تكون هادية زي ألوان الآي شادو علشان تبقى متناسقة مع بعضها، وبيبقى عبارة عن ملمع فقط، وكل الألوان دي بتليق على البشرة الفاتحة والبشرة الخمرية.



فستانها

فبيكون بسيط جداً لونه "أوف وايت" أو "أبيض" بس تطريزه قليل قوي.. وطبعا لو محجبة بتلبس بادي تل سادة، وفيه تطريز على اللياقة والكم، أما الطرحة لو كانت دورين أو إسبانش برضه تطريزها قليل من الطرف بس البندانا بتكون تل سادة أو عليها تطريز خفيف زي الفستان...





ولو غير محجبة تسريحة شعرها شينيون هادي، وممكن تحط وردة صغيرة على جنب أو تاج بسيط ألماظ والحلق على قد الودن لولي أو ألماظ...كمان العروسة الكلاسيك ممكن فرحها يبقى "أوبن إير" يعني خارجي بالنهار في فيلا أو جنينة أو حتى على حمام السباحة في فندق.


الشخصية المودرن أو (الشقية)





المكياج

في الفرح لازم يبقى جريء، لأن في الطبيعي بتاعها بتحط ميك آب واضح وكتير، وألوان الآيشادو يفضل إنها تكون غامقة زي "الأسود" و"البني" و"الموف البتنجاني"، وكمان رسمة العين "سموكي" أو "أسود مدخن" و"رموش تقيلة"... وألوان الروج فهي إما أن تكون "أحمر"، "فوِشيا"، أو "موف" وممكن جليتر على الآي شادو والروج...


الفستان





فبيكون مليان تطريز وأحجار وممكن كمان تحط ورد في الفستان زي "الموف" أو "الأخضر"، والطرحة مطرزة من الأطراف تطريز خفيف عشان الفستان فيه تطريز كتير والبندانا تكون تل مطرزة وممكن تاج ألماظ كبير عليها.. ولو غير محجبة ممكن تغير لون شعرها يبقى هاي لايت أصفر أو أحمر وتسريحتها تبقى مرفوعة وعليها إكسسوار ألماظ، والحلق يبقى كبير وبيلمع.. أما الفرح فبيكون في قاعة كبيرة في فندق أو في نادي كبير.








وفي النهاية أحب أقول إن فيه عروسة ممكن تعمل فرح بسيط في البيت أو كتب كتاب في الجامع وبعدين عشاء في فندق للعائلتين فقط أو حتى ماتعملش فرح خالص، لكن بيبقى أهم حاجة عندها هي صور الزفاف عشان كده كل واحدة لازم تهتم بكل تفاصيل مظهرها في اليوم الجميل ده.


أتمني الموضوع يعجبكم لأني تعبت فيه جدااا



 توقيع : نقاء

ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج

رد مع اقتباس
قديم 02/11/2012, 05:21 AM   #2
مراقبة ومسؤولة منتدى علم النفس و منتدى الثقافه والمعلومات العامه والأحداث السياسيه


الصورة الرمزية rola
rola âيه ôîًَىà

بيانات اضافيه [ + ]
 رقم العضوية : 1065
 تاريخ التسجيل :  Jul 2005
 العمر : 38
 أخر زيارة : 28/01/2015 (04:41 AM)
 المشاركات : 6,221 [ + ]
 التقييم :  5000
لوني المفضل : Cadetblue
افتراضي



تسلمي عزيزتي على هذا الموضوع الجميل جدا
وان شاء الله يفيد كل عروسه يارب
والله يكتب الزواج لجميع بنات المسلمين .. اللهم آمين


 
 توقيع : rola





" يارا قرة عيني "

اللهم بارك لي فيها واحفظها و احميها من كل سوء وجنبها الشيطان الرجيم و اكتبها من عبادك الصالحين ..

اللهم آمين


رد مع اقتباس
قديم 04/11/2012, 11:34 PM   #3
سكاتى عذاب


الصورة الرمزية نقاء
نقاء âيه ôîًَىà

بيانات اضافيه [ + ]
 رقم العضوية : 24517
 تاريخ التسجيل :  Jun 2012
 أخر زيارة : 23/09/2013 (03:20 PM)
 المشاركات : 526 [ + ]
 التقييم :  502
 الدولهـ
Saudi Arabia
 الجنس ~
Female
 SMS ~
سبحان الله وبحمده سبحان الله العظيم
لوني المفضل : Deeppink
افتراضي



اسعدنى تواجدك اخت رولا


 
 توقيع : نقاء

ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

(مشاهدة الكل عدد الذين شاهدوا هذا الموضوع : 2 :
,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الإعلانات النصية ( أصدقاء الأكاديمية )

انشر مواضيعك بالمواقع العالمية من خلال الضغط على ايقونة النشر الموجودة اعلاه

Powered by vBulletin® Copyright ©2000 - 2023, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع

a.d - i.s.s.w