قالت علامك ؟؟

قالت علامك

قالت علامك جال بالصدر زفرات؟= يالله عساها خير يا بِعْد حالي
من عقب عصر اليوم والعين حسرات= ورى الفرح متقيدٌ بالغلالي
قلت الحزن يا بنت عالقلب شلفات= يقطع شرايينه حرام وحلالي
يا بنت انا في ذا الزمن صورة رفات= من رمح قتال طعن ما يبالي
كني غريب تايه وسط غابات= لا احد يسليني ولا احد بدا لي
ما عاد اذوق النوم هيهات هيهات=حتى العسل لو حلو ما عاد حالي
كم كان يطربني من اللحن نايات= واليوم لا لحن ولا العزف سالي
لا تعجبين ان عفت انا الكيف مرات= بن شربته ركّزَته الدلالي
ودي ارتحل يا بنت انا عشر مرات= واسابق رياح الزمن والخِيالي
واطوف حول الارض واعمر حضارات=وابني لقصر ما بعد له مثالي
قالت توقع حيث دربك به اهات = واللي ذهن لا بد ما انه يبالي
رب ان شمسك طالعه عقب غيمات= والا هبوب النود يرجع شمالي
لا تحسبن الوقت مابه ملامات= غلطان من ظنه خويٌ موالي
لكن تصبّر يوم للصبر وقفات=واشرب قراحٍ عد صافي الزلالي
يا شيخ لا تعجب وفي الراس شيبات= ذاك الوقار ان كنت سمح الخصالي
واطلب اله الكون له محكم ايات= عسى الفرج ياتيك من رب عالي
قالت وقالت خمس تتبع بعشرات= وانا لها اطرب جِعلها راس مالي
منطوقها فضه توسط جنيهات = يا جعلها لي دوم يا جعلها لي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
تسقي قبر من راح منا برحمات= عساه للجنه بقصر علالي
قبر ليا جيته وتنهل عبرات = اتذكر الصاحب و درع بجالي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
وتصير غيث للعرب له علامات= ينبت منه قفر من الزرع خالي
حتى طيور الجو تهناه شربات = لا غردت يصحى نبيه العيالي
لي حاجة ربي بغفران زلات= منك العفو والغير ما قد طرى لي
ويا بنت شكرا لك مع كل الاوقات= نوختي ركابي وحمل ثقالي
يوم اني اطلب خالقي وانسى ما فات= والله على ما يريد و حنا نصالي

جده
4-1-1427

يعطيك الله الف عافيه

على القصيده الرائعه

والى الامام

صح لسانك


شاكر لك

الاخ عبدالله
والاخ امير القلوب

صحت ابدانكم ومشكورين
على المرور والتعليق

صح لسانك

كلمات رآئعة

لله درك لله درك بوح القصيد والابداع

دمت ودام نبض قلمك

بإنتظار جديدك

تقبل مروري
لاهنت ..

صح لسانك يابن دماس على هذه القصيده الرائعه.......

الاخت همسة شوق اسعدني مرورك

شكرا على الاطراء

الاخ شاعر المعنى
شكرا على المرور
وصح بدنك