مسابقة (شاعر الاكاديميه ) النسخه 2

*الأخوة الشعراء والشاعرات .. نرجو ارسال الردود برساله خاصه لنديم القوااافي
*المسابقه تنطلق من اليوم الجمعه ..الى يوم الثلاثاء ..وسيقفل باب استقبال الردود الساعه الثانيه عشر مساءً
* سوف توضع الردود بدون اسماء ويتم التصويت عليها من قبل الاعضاء .. ولكل عضو ثلاثه اصوات يضعها لثلاثه ردود نالت استحسانه يختارها قبل يضغط على ايقونة التنفيذ ..والصوت اماااانه ..(ضع صوتك للشعر وليس للشاعر )
*مدة التصويت ثلاثه ايام .. ويعلن اسم الفائز بعدها .. ومن يحقق اللقب ثلاث مرّات سوف يكون له درع خاص ..اتمنى المشاركه من جميع الشعراء ..


التصويت سوف يكون الكترونيا في اعلى هذه الصفحه ... والله يوفق الجميع

البدع : ترانيم =
0=


شاق عيني منظر الوحش شفته فزّ - حام=

يعتلي حَدّه وينهَدّ ساعة يلقى صيد=

يقــْلِب الجنحان في الجوّ لا سودل - قلوب=
لا تقولوا ليه في عالي المرقاب وكره=

انـْشِد الصقّار عينه من اشقى نونها=

وهنا الردود كما وصلتنا بالرسائل الخاصه

الــــــــــــرد رقم (1) =
*=
اما انـا ماتاهـت الخطـوه بـي وقـت الزحـام =
شـامـخــآ راســــي لــبــدع الـمـثـايــل والـقـصـيــد =
غير يا الله اكفنا اهل الحسد سود القلوب =
وانـا عنـدي قلـب مثـل البشـر وآحـب واكـره =
والــقـــصـــايـــد مــانـــشـــدنـــاك وش قـــانـــونـــهـــا =

*=
*=
*=
الــــــــــــرد رقم (2) =
* =
الـذي وسـط الـحـرم مايفـكـر ف الـزحـام =
والذي فوق المنصات يبدع ف القصيد =
الله يعلم ع الخفايا وعـن سـود القلـوب =
انا مثل الناس في ذالقصيد احب واكره =
واعـرف القـانـون ماقـلـت وش قانونـهـا =

*=
*=
*=
الــــــــــــرد رقم (3) =
*=

فـزّ قـلـبـي للغضي يـوم شـفته فالزحام=
كنّي الـملقوص مـن داب نـابه يلقص ايد=
عاذك الله يالغضي مـن حسد سود القلوب=
وآنـا قـلـبـي بـالـمـحـبـه ولا يحقد ويكره=
اترك اهل الغيض مانشدك واش قانونها=
*=
*=
*=
الــــــــــــرد رقم (4) =
0=
المزاين حول داري بدت لي في زحام =
ياعساها بالجماله وعونك يالقصيد =
وش معاه الهيل يسمع لهم سود القلوب =
جيت في درب المزايين رغم الانف واكره=
غير مدري دولة الزين وش قانونها =
*=
*=
*=
*=
الــــــــــــرد رقم (5) =
*=
في رباع تشاهد الشعر واهله فـــي زحـــام=
لـو بغيت اطـــوع الشعــر جــاوب يالقصيد=
الشاعر محشـوم ماخالطــه ســود القلوب=
غير انا شاعر وعند الحقيقه احب واكـره=
ويالله اني اعناك من نـاس وش قانونهــا =
*=
*=
*=
*=

الــــــــــــرد رقم (6) =
*=
انا شفت المنتدى مايزيد الا زحام=
أثر شئ معنا تنافس على بيت القصيد=
يا الله في حسن النوايا ولاسود القلوب=
ودي آشارك وانافس مع اصحابي ولا اكره=
غير مدري لجنة الشعر وش قانونها=
*=
*=
*=
*=
الــــــــــــرد رقم (7) =
*=

يالـذي رحتـم وخليتمونـي فــي الـزحـام =
مابقـي الا ذكريـاتـي معـاكـم والقصـيـد =
كيف بعتم طيب القلب ياسود القلوب =
والله اني شاعرً عاطفـي واحـب واكـره=
وحيـاة مابهـا إحـسـاس وش قانونـهـا =
*=
*=
*=
*=
الــــــــــــرد رقم (8) =
*=
بالقصائد جيت شاعر واعدّي في الزحام=
ما ندوّر غير للشعر وابيات القصيد=
لكن اذهلني مواقيف اهل سود القلوب=
يا يعادوني ويا معهم اني احب واكره=
شوف هذي الناس واعلمني اش قانونها=