محاوره نبطيه(تحدي)

تحذّر من نيوب الاسود اللي حيل قتّالي=تبي تعصب وتتجبر على الاسود سحاليها
وعين الشمس ماتحجب من المشرق بغربالي=ومن هو يمسك الجمره يشب ايديه صاليها

عليم الله ياسم الحنش لا احطه ابلالي=وجمرتك اللهيبة صبة بالما تطفيها
سحاليها محاليها واحلحلها تحلحالي=واسود الغابة تبقى اسود ما سادت حصانيها

ولمن لم يفهم شطر البيت الاول له الاستفسار

اشوف اللهجه مختله تقل هندي وبنقالي=عجزنا نفهم الاثنين عجيبه في معانيها
على هامان يا فرعون تبي تلعب ومتسالي=فهمت اش لعبة الاثنين ولكني مجافيها

ايدامك والله يهنيك زادك مابيهناءلي=وناول صاحبك لقمه عسى روحه يشفّيها
انا مااالبن الاشقر ياولد ملّيت فنجالي=ولانرقب لمدراج الصحون ولا صوانيها

تراني مهتني اللقمة بدونك ياولد خالي= ولو تطلب عيوني قلت خ>ها من محاجيها

ودلة بن من شانك نهيلها تهيالي = ومقدارك جمل والقوم لو جاعت نعشيها

هلا والله بمن يقصد وليله ليل يا لالي=على عوده وشيطانه تفنن في غوانيها
تراني جيت واحذرني صعاب الدرب توطا لي=جبال التهم بيديني اقومها وادنيها

ماشاء الله عليكم شعار كبار صحت الالسن وتعافت الابدان ودام الابداع واصلوا بارك الله فيكم

حقيقه الكل نجوم
نعم هناك قصائد قويه ولكن الجميع شعراء
نتابـــــــــــــــــــــــــــــع

تقديري

نغيب ولانطول في الغياب نعود فاالحالي=نعود ننصّب الرايات والموتى نعزيها
تدور الدايره لازم والاول يلحق التالي=وتبقى الرايه مرفوعه علمها فاايد غازيها

اشوف القافيه راقت واقول الشعر منجالي=بيوت انا مسويها اوزّنها واقفيها
واشوف الناس تتدارى تقول الهمس قتالي= وانا حالف برب البيت لكشّفها واعريها