شدا الشامي قصايدي ملشلشه ودي استفيد منك

صحت السنتكم وبيض الله وجوهكم

ياحليل الفقير اللي بليا نقود
اشترى دين مايشري بكاش ونقد
وانت يالتاجر ابو سلعتن لاتغلي
عون ناسن تدور للوفر عونها

إي والله ياحليل الفقير ياحليله

الرّد: شدا الشامي=
*
ماأخبر العود الأخضر دبّ فيه النقود=
لين جاء له زمان ودبّ فيه النقد=
يا أحمد آلأسمري خلّ الجفا والتغلي=
ما أنت هامان مصر ولا أنت فرعونها=
**

رزق ربي وسيع وعلمنا في زيود=
كل يومن وانا في نعمة الله وازيد=
رفعة الله قيس الناس تاجي طوالي=
لكن الناس صاروا لا يعدونها=

كلكم غزله وصحت السنتكم جميع

الرّد: شدا الشامي=
*
يوم بهذلتني بأهل اليمن والزيود=
آنا في قدرك أستقدمت زايد وزيد=
وأبشر آردّهم خارج حدود الطوالي=
وأنت حذّر زيودك لا يعدّونها=
**

كلنا تحت هيبه سيدنا بن سعود
وانت والشيخ جارالله وجيه السعد
ريت بقشان يتضاحك له ابامجلي
والفقارء كثيرة ياخي اطعونها

الرّد: شدا الشامي=
*
نجمة النّحس تظهر في ليال السّعود=
سمّ ولدك سعيد وسمّ ولدي سعد=
مامعَ من بغى يهرب ويابى مجلّي=
إلا الأمراض .. حُمّاها وطاعونها=
**

لاحضرنا كما سمحان صف ياقعود=
الجمل شامخن مايلتفت فيك ابد=
لا هدر يفلس العربان من شي غالي=
خير من شاص تايوتا وصالونها=

الرّد: شدا الشامي=
*
بين حكمة صغير وبين صُفياق عود=
كلمةٌ في لسان وعلّةٌ في كبد=
ديرةٌ مابها رزقي ولا شيّغالي=
ما حلق شعر راسي غير صالونها=
**