ياسلامي عد مانمشي الدنيا قدم .. السبيه

صح لسانك يابو طلال ...



بدع/ مهلهل
البنادق للنشاما وله ناس(ن) حــــــــزم
ونت عندك بندقه وانا عندي لك عشــــر
اعرف الرامي لرمي الحراج انه صبورا
زاد في رميه ولكن تباين بورهـــــــــــا

تسلم ياابو ليلى المهلهل وصح لسانك وبدنك

الرد:علي السبيه=
.=
كم خذو صرّامة الزرع الاخضر من حزم=
والحبوب الطيبه ماتعادل باالعشر=
ادري ان الحب عند آهل المزرع صبورا=
والعنب في ليّه ماخذت من هابورها=

الله واكبر صحت الالسن وتعافت القلوب يا المطاليق ابداع في ابداع يجبرنا على متابعته

المشاركة الأصلية كتبت بواسطة صقر الجنوب

الله واكبر صحت الالسن وتعافت القلوب يا المطاليق ابداع في ابداع يجبرنا على متابعته

مرورك يشرفنا طال عمرك

بدع / مهلهل

احتلال الغرب ماجا بفيده غير جـــــــرم
والملوك اهل العرب في حروبه هم كشر
المنافذ والمعابر لقواتــــــه عبــــــــورا
والقضيه واضحه مابنكشف عورهـــــا

كشر / امريكا تحارب ونحن كاشرين. يعني فاغرين ..

الرد:علي السبيه=
.=
اثر ماللزرع من بعد يجرد غير جرم=
وانت يا بيّاع لا تنهر اللي منك شر=
صار للاحلام عند اكثر العالم عبورا=
والعيون العمي تضحك عليها عورها=

تسلم يابو طلال تشرفنا بمشاركتك وتواضعك معنا استلم هذا البدع نهاية الحفله ومدري عن صقر الجنوب ابيكسينا ولا لا ..وعذرنا غثيناك في المنتدى كل واحد يبغى يقصد معك ..


البدع/مهلهل

الضيافه عند بعض البشر جود وكـــرم
والبعض منهم ماغير الوجاهه والفشـر
قدموا للضيف مايشتهي ياكل سفـــورا
والولد في البيت ماياكل الى سورهــــا



(ونت من اهل الجود والكرم ياعلي وونعم بك وبالجميع في المنتدى )

سلمت ياابوليلى المهلهل وتشرفت بمجاراتك في هذه المحاوره
واعذرني على قُل المعرفه اما الكسوه على صقر الجنوب
وبهواه ان وده يكسينا وان وده يخلينا بغيرها

الرد:علي السبيه=
.=
مرحبا ترحيبن احلا من اثمار الكرم=
مرحبا ياضيف شاور مع اهل الولف شر=
عند رٌبّان الكرم والوجوه اللي سفورا=
والديار اللي يهيّب عليها سورها=

محاوره جيد صحة السنتكم وابدانكم

صح لسانك يابو طلال ولاهنت يالنشمي .. والكسوه طال عمرك مشاركتك معنا .. ومشاركتنا في المنتدى هذي هي الكسوه والفايده .. اشكر كل من مر وعلق كل بااسمه واشكر كل من شاهد الموضوع كل بااسمه..