ماعد يمون الحجاز وديرة أتهم تمونا(هذى خارج الحسبه ياسبيه)

بنشب في نحرك يابو طلال لين تعطيني كرت أحمر...

البدع:إبن الجنوب=
*=
أشرح لشعب الكويت وقل لهم مات جابر=
لو صحت ياشعب ماحد رد صوتك ونجواك=
اللي حصل ع البطاقه مايكلم بدونا=
والمنتخب حول ديوانيته رد قلاب=
تسابقوا كلهم في خدمته من عصيّه=

ههههههههههه.....ههههههههههه

متابع ومستمتع ....صحّت الآلسن والأبدان...

الكروت كلها عندك الاصفر والاحمر واسعد الاوقات
لما اجاري معلمي واستاذ البدع والرد

الرد:علي السبيه=
.=
ترى المشاكل تفرّق صفّنا ما تجابر=
واللي يتوّهك ما يلمح لفوزك ونجواك=
ماعد ندري وش المقصد من اللي بدونا=
اللي من اول لفانا باالولاء رد قلاب=
عوّد يهاوش على كل العرب من عصيه=

طفشوا منا الناس ياعلي ودك نسوي اضراب لمدة سنه ...

البدع:إبن الجنوب=
*=
ماكل ماتعمله يرضاه ربي وتأجر=
أنا نصحتك وعلمتك بكيفك وبهواك=
أبتاثم إن سرت في الممنوع يابوثم أنا=
لا تبتعد كل وادي له سباع(ن)وله داب=
وإلا يواجهك في دربك من الناس عيه=

بهواك ان ودك نسوي اضراب عن الاكل والله لنموت من السيّله ماحد يلتفت ويلينا

الرد:علي السبيه=
.=
يازين يازين بادرني بوصلك وتاجر=
قلبي طريح المحبه في غرامك وبهواك=
ياالمبسم اللي شبيه اللول ياابو ثمانا=
ادعج كحيل النضر ضلّل خدوده بالاهداب=
وفوق الامتان لف اجعوده الناسعيه=

اهييييييييييييييييييييه

البدع:إبن الجنوب=
*=
ياصاحبي قفلوا عنك الطريق المسافر=
لو يزرعون الطريق الغام وادّيرة أشواك=
بازاورك لو تقول الوضع مافيه أمانا=
ترخص حياتي فدا نظرتك وأنا بك الذّاب=
أهم شي لاتصدق في محبّك وشيه=

الرد:علي السبيه=
.=
يا حكم تمّن مقيمين البلد والمسافر=
والله لو كان ما نشواك والديره تشواك=
تسمّعو وافهم الاعلام يا فيهمانا=
اقولها من صميم القلب مانا بكذاب=
لولا الحكم ماحد ابيامن لحاله وشيه=

هذا الكلام يعجب صقر الجنوب أتمنى مروره...

البدع:إبن الجنوب=
*=
شربت من كف سيدي شاذليه بمسمار=
رويت قبل آخذ الفنجال صرّح وش ارواك=
وقلت منطوقك ارواني ولين بهونا=
أسمح لي الوقت مايسعف ملاقاة الاحباب=
تصبح على خير ياغالي ولي بكره جيّه=

حسبكم الله في ذا الجور

ويقلون يسوون إضراب لكم الله ياللي معه كما هذا الكلام انه ما يقدر يصبر عليه جوف صدره

المهم انحن مستمتعين وانتم الله يعطيكم العافية وصحت السنتكم

الله الله على الابداع
ابن الجنوب كلام كثير في جعبتك هههههههههه
السبيه دكتور وابن الجنوب تشخيص
بيض الله وجوهكم