بيت x بيت..( مسابقة شعرية )

كنت افتكر باني على البال احاكيك
وارسم قلوب الحب حتى بالاحلام
واثرك تجاهل كــــــل صوتً يناديك
واثر الحلوم الماضيه كلـــها اوهام

ملك الليل

ماكذب من قال :- عذب الشعر يسحر
أشهد ان بعض القوافيّ .. ( اسْحرتني )

لاتمعّن ناظـري فالقاف .. وابْحَـر
راحت أفكاري معه .. ( ماشاورتنـي )

ماصفى من قلوبنا غير القراح الزلال=ولا أكبر من الشوق فيني غير قمة طويق
داويت جرح الاجابه من دموع السؤال=وداريت حزن الزفير وبان حزن الشهيق
ماقصد بشوقي غزل ومراهقات وهبال=الا خلايا مناحيل وزهور ورحيق
تراني أعرفْك وأعرف فيك أدقً الخصال=تقسى على نفسك أحيانا وقلبك رقيق

ووورد

الهجيـــــــــر

ليه كذا ؟؟؟اوووف

أمسح أبياتي يعني ؟

هههههههه وش بلاك يالطيّب ؟؟؟ هههههههه
صح لسانك ولاهنت ...

قلب الهوى مثل قطعه من ثياب الخيال=
ولو شرب كوثر الجنه تولّع حريق=
يوم إنت شاعر كتبت من البيوت الجزال=
وقلبك أخضر من الواقع وشكلك أنيق=
أنكرت وجه الغزل.. لك حق يأإبن الحلال=
الدايم الله .. ولو ماضي هوانا عريق=
ياما وياما تعبنا بين روح وتعال=
وياما حملنا من الأوهام ما لانطيق=

قدر مكتوب وانا راضيه باللي لنا مكتوب =اراد الله من عنده بعد جمعه يفرقنا

لؤلؤة زهران

الجفن كم له وطيف النوم ما نبّه
حلو الكرى لا هنا السالين .. مالي به
ولامن غفا له دقايق فزّ متنبّه
(من شوفة اللي بحلو النوم أهذري به)
ولا قمت دكّ الحشا دكّاك ٍأسهبّه
آسجّ به عن وجيه الناس وأسهي به
وإليا تورّا لعيني قمت أرحبّه
آفزّ .. لا مرّني طيفه وأهلي به

هانت جروحي عليك وخذتها علكه=
تمضغ لبان الهوى .. والله ولا همّك=
يقطعني الشوق يوم أمشي على سلكه=
ماخفّف الشوق ..طعم الريق في فمّك=
***

( المبدع )

كنت أظن الحب في وسط القلوب
اثر حبك مالي الدنيا علي
دايم مشرق ولا يعرف غروب
منور ونورة تعدى كل ضي
كان حبك غلطتي ماراح أتوب
راح أحبك لو كواني الحب كي
لي فؤاد في هواك دايم يذوب
من عرفتك وأنت عندي كل شي..

همسة شوق < ملطووش

همسة شوق < ملطووش ههههههههههههه يعطيك العافيه

يالاطش أبيات غيرك لطشها جايز=
حتى ولو قالوا الأبيات مسروقه=
إن قلت لي ( ماأبي ) وإن قلت ( مش عايز )=
وإن صرت تحت السماء وإن صرت من فوقه=
مادمت في كل حالاتك أبد فايز=
تفتح لك أبواب كانت صدق مغلوقه=
***

( المبدع )