قارعة يوم الاربعاء

قارعة يوم الاربعاء
الموافق 1435/6/2

بين كلّاً من:
الشاعر/ماجد فلاح المالكي
الشاعر/ يعقوب الحسني الزهراني
الشاعر/عبدالله اليزيدي
الشاعر/محمد ال خبتي الزهراني

البدع/ماجد المالكي

سلام ياللّي خاطره ضايقاً من كم نهار

ادري عن اسباب الزعل لكن الغلطه تسير

يقلون بعض الفاظنا ماتليق ابذا المقام
حتى حسبت انّي مع الشاعر آبن ثامره

الرد/يعقوب الزهراني

يا مرحبا لا تشغب الصوت ما نبغي النّهار
انا ادري انّك واثق بخطوتك ما تهت سير
لكنّ قبل قعدتك راود وحاسب للمقام
لا عد تقل غطّى على اللّوز والبنّ ثامره

البدع/عبدالله اليزيدي

ممكن يكون الحظ عاثر بنا والبخت بار
مثيل خيلاً فاز عرض الخيول اللّي تغير
لكنّ مارينا بوجه القمر ياذا انقسام
وساير الدرب المشوّك تعب من سايره

الرد/محمد الزهراني

ماحد يقيّم ثقل الاقول ياخي باختبار
لكنّ بعض اقلوب الاصحاب تنغاض وتغير
نقّ الكلام العذب يابوسعد لاتنق سام
ماهو بحقّ القول ترمي لنا من سايره

البدع/ماجد الماكي

انا رسمت القارعه وانت لاتخطي المسار
القارعه متنسّقه حسب تنظيم المدير
ناخذ معانينا ونلزم طريق الاحترام
واللّي يخالفنا نخرجّه برّا الدايره

الرد/يعقوب الزهراني

يا ربعنا ما عاد نبغي سوالف علم سار
ما يترك السّيل الحصى والهضاب ولا مدير
والمجد والطولات لو قلت ما رايح ترام
بقول جاهد واجتهد وابتدور الدّايره

البدع/عبدالله اليزيدي

ماجاك من جور المعاني صعيب اولا يسار
ماغير سميّتم طيور النعامه شيخ طير
يابو سعد صلّي وسلّم على الهادي السلام
ولاتّتيه خطّتي والنوايا الخاطره

الرد/محمد الزهراني

لاتجمعون في المواضيع بيمين ويسار
لارّبما بعض المواضيع يحوي شي خطير
من بعد سمّينا بقول التحيّه والسلام
امّا عطونا علم والا كتبنا خاطره

البدع/ماجد المالكي

ان جار معنى صاحبي كنت مالمعنى مجار
لاعاد تجزع مالقرارات والمنصب كبير
صلاة ربّي عالنبّي فالبداية والختام
وازيد اصلّي لين تهدا العروق الفايره

الرد/يعقوب الزهراني

مجار يامن قول الرداء والّذي معنا مجار
ما احد خذا له من الرّداء مزرع ولا ملك بير
يالله لا تختم على قلب مسلم بالختام
لجل انّ درب الحقّ واضح ولو يخفى يره

البدع/عبدالله اليزيدي

يامصغر اعيون الجراده ولكنها بحار
إلى اقتوى هبّ الهبايب غدت ياذا نثير
ونويت لي هاك العصايه قبل مده تمام
لكنّ قالوا الناس وش تبغى منها بايره

الرد/محمد الزهراني

الى نظرنا الخارطه مااهون السبع البحار
لكنّ في وجه الطبيعه لها نعجز نثير
واللّي غشيمً لو معه عزم عالي واهتمام
يحسب كنوز البحر مثل العنب واهبايره

البدع/ماجد المالكي

ماني مرافق لي ذليلاً ولا للاش جار.
ندري عن الرشّة وندري عن النجم المطير
ونعرف اللّي حلّله ربنا واللي حرام
الحقّ بيّن ليش الافكار تغدي حايره

الرد/يعقوب الزهراني

يالشيخ بن خبتي بدينا المعارك والشجار
ما عاد ينفع صلح شمّر ولا هدنت مطير
والبعض لو يحلف بالايمان فالبيت الحرام
ما اصدّقه وش عاد لو جاء بكلمه حايره

البدع/عبدالله اليزيدي

لاتحقرون السالفه دوب طلتّها صغار
الحقّ واضح واحمد الله بنعمه انا وخير
لكنّ يا الصاحب لبسنا القديمي والحسام
مادام شبّهت السوالف هبايب طايره

الرد/محمد الزهراني

ماعد بي الّا اصير طمعة هقاوي لصّ غار
لانّي عرفت اللّص وش مقصده باول واخير
موضوع ماهو صعب لكنّ يبغي له حسام
متى على عيني وحوران حايم طايره

البدع/ماجد المالكي

ودك تطوّل سالفه صنفها صنف القصار
الحقّ ماحد يجهله والكسر يبغي جبير
خلّ القديمي دام امورك على احسن مايرام
واكرب حزامك واصمل ان كان غارت غايره

الرد/يعقوب الزهراني

يا قاضي الشرع احتكمناك في حكم القصار
خذ من فتاوي المانع وخذ فتاوي بن جبير
ترموا اليتامي وانّ قلب اليتيمه ما يرام
قلوب مثل البفت والاّ قلوباً غايره

البدع/عبدالله اليزيدي

يابو سعد كلمه وخذها معك عين اعتبار
واحلف عليها انّي لوفي يميني والنّذير
متحمّل أهل القبح واهل الرّدى ونجى ضيام
لحسب لهم بالصاّع صاعين واللّي شابره

الرد/محمد الزهراني

خسران من لاياخذ امن التجاريب اعتبار
ولابيسمع للرّفيق المناصح والنذير
حظّك على الله يارفيقي ماهوب افي ارض يام
فلا تكدّر لجل حظً لروحك شابره

البدع/ماجد المالكي

نعبّر الكلمه وراع الكلام اله اقتدار
وننتظر منحن بحفله ولاشي نقع زير
المحقره والزّور والكذب والنهج الظلام
ان جت بنوقف عندها ماتعدّي عابره

الرد/يعقوب الزهراني

يدور صاحبنا وبيلف واعرف وقت دار
يحلم ويتهنّى بالاحلام يا نقاء عزير
الله كم حلمً يراوده في ليل الضلام
ما حلم يحلم فيه والا وجاء له عابره

البدع/عبدالله اليزيدي

ياذيب لاتلعب على حدّ غابات النمار
حذرا يجيلك وانت ياذيب ماتقوى الظفير
لكنّ عوّد والعب العب على حدّ الحمام
من شان لاينهيك ضرب النمور الصابره

الرد/محمد الزهراني

يعقوب سوى له ملفات وعليها نمار
من عهد ماكانت عقود الاماره فالظفير
ليته نسي ماقد مضى فالزمان ولمح امام
مادام في سوق الزمن جاء وزون وصابره

البدع/ماجد المالكي

الذيب الى منّه غزا عيّن الصيد الكبار
ماهو كما الحصني ولا فيه من طبع الجعير
تحسبه ضل الدّرب والا انعما دونه وهام
سيّر ربوع العين وأضحى بديرة ناصره

الرد/يعقوب الزهراني

الشيخ بن خبتي يراقب متى من انصك بار
ما غاضه الاّ صوت يومه تعلّى بالجعير
الهامه ما ضلّت صقر والصقر ما سار هام
والاّ الضعيّف مالقي له عوين وناصره

البدع/عبدالله اليزيدي

ياماجد اللّي فوق راسه تحثّى بلغبار
ياليت خلّا صاحبه في منامه والشخير
يحسبه عنتر ولد شدّاد وقل ماشي كلام
آثار راعي البل تشبه بعنتر كابره

الرد/محمد الزهراني

الله يسقي يابن شهوان الازمان الغبار
يوم كان ماحد يرتجي من مدود اللاش خير
واليوم اشوف اسيوفنا كلت وفيها كلام
واللّي توهّم له وهم مايصدّق كابره

صحت السنتكم لاهنتم مبدعين