مختصر محاورة البرق اللامع وعلي السبيه

الاخوه الاعزاء

اسعد الله اوقاتكم بكل خير

هذه تلخيص للمحاوره التي كانت مع الشاعر المبدع علي السبيه .. ولكم التقدير والاحترام من اخوكم البرق اللامع ...

* =
الـبــدع : عــلــي الـسـبـيـه =
* =
الله يديم الرضا لهـل القلـوب المـودات =
شدو سواعد بعضكـم ياعيـال الحمولـه =
واللي تجمل نقول اقديت وافـي وجمـال =
البغض يبيري القلوب بري المناشير للعود=
لو مااجتمعنا على علـم الوفـا ماجملنـا =
* =
الــــرد: الــبــرق الــلامــع =
* =
البرق قال اللذي يقوى الحمول المـودات =
العود سمحان مايشكي الضما والحمولـه =
والونعم اللي بنى رشده وفارس وجمـال =
تشهد حروف القلم فوق المناشير للعـود =
واشهد بها مابنرضـى فيـك لا ياجملنـا =
* =
الــبــدع: عــلــي الـسـبـيـه =
* =
ياذا تصيد السمك لمّه مـن المـاء لميـات =
والقرش ولّه على الموج الذي مالح اولـه =
لكن عسى الغيم من وسط السماء مال همّال =
وانحن ترى نحكم الطابور والجيش ونقود =
لاتحسبنّـا مـع الانـذال والـلاش ملنـا =
* =
الــــرد: الــبــرق الــلامـــع =
* =
ياصاحبي مارقبنا اللي لـه المـال ميـات =
ولاتنكـرت للـي مايجـي المـال حولـه =
ومافرق عندي مع التاجر ومن مالهم مـال =
ومادام تحكـم مواقفنـا عقـارات ونقـود =
امـا كسبنـا بسـوق المـال والا شملنـا =
* =
الــبــدع: عــلــي الـسـبـيــه =
* =
على ايش ياقلب تتلي الزفره وايهات وايهات =
مادمت ماتشتكـي مـن نقـص ولا قلولـه =
خل القوافـل تسيّـر باالحمولـه ولاعـدال =
والصاحب اللي جفاك وخاطرك منه ملجـود =
اثـار وده مـن العربـان يلـقـا بدلـنـا =
* =
الــــرد: الــبــرق الــلامـــع =
* =
الصاحب اللي ليا ما جاك وايهـات وايهـات =
ودي بمن يبعـده عـن العيـن والا قلولـه =
ماشفت في دنيتـه للحـق بابـا ولاعـدال =
وان كان ربعي تخلوا مايجي منهـم الجـود =
باعود اسير في ارض الله والقـى بـد لنـا =
* =
الــبــدع : عــلــي الـسـبـيــه =
* =
ياصاحبي فات وقت الصبح حتى المساءفـات =
وكل علمن من اعـلام العـرب لـه وصولـه =
وانا اللي اشغلني الطاري مع كل مـن قـال =
واهل البخل كيف راحو اجواد وين انتمو جود =
يازين واصـل ولـو تعتـب ولمتـا تصلنـا =
* =
الــــرد: الــبـــرق الــلامـــع =
* =
ياقلب مايبعدك عن الزيـن حتـى المسافـات =
متى يجي اليـوم نترقـب لساعـة وصولـه =
وآدرجك ياقـدم والقلـب مـع كـل منقـال =
يازين لو كان باشوفك وفيـن انـت موجـود =
باعرف متى موعـد الرحلـه ولمتـا تصلنـا =
* =
الــبــدع: عــلـــي الـسـبـيــه =
* =
ماالبن والهيل يـاراع القهـيّ اعـب دلاّات =
وصب فنجـال لـي مايشبـه المـرّ سولـه =
من بن خولان واشجاره لها افـروع وظـلال =
وللمزارع تشـوف الخـط بـارح ومعبـود =
جبـال للبـن مايغـلـب عليـهـا جبلـنـا =
* =
الــــرد: الــبـــرق الــلامـــع =
* =
أعبدك يامن خلقنا من عـدم ماعبـد الـلات =
واللـي منـزل كتابـه بعـد علـم رسولـه =
يوم ان بعض البشر قلبه حوى الشرك وظلال =
حنا رضينـا بدينـك وانـت ربـا ومعبـود =
وسنـة المصطفـى حنـا عليهـا جبلـنـا =

الل يعطيك العافيه ياالبرق اللامع وانا اتشرف
بقصايدي معك ومنكم نستفيد

	شعراء كبار ومبدعين ونتشرف بوجود شعراء وإداريين لمنتديات رباع بهذه الروعة والتالق

صح السانك بيض الله وجهك