داو الجروح اللي بقلبي من العام "

السلام عليكم ورحمة الله وبركاته

اخواني الكرام :
يسعدني ان اضع بين ايديكم احدى قصائدي التى اخترتها
من ارشيفي الخاص لتكون اول مصافحه لكم "

يامعني الملتاع بجروح وآلآم=الله على فعلك خفوقي يقويه
ماظنتي انك على دين الاسلام=ولا الذي سويت محدً يسويه
عنيتني يامحنيً راس الابهام=حتى خفوقي بالمحبه معنيه
وانا على شانك تحملت الاوهام=وصبرت من شانك ولاقلت لك ليه
طعني ولاتحمل على ظهرك آثأم=خفف حمولك لاتزيدك مشاريه
انا عليك أخاف من فعل الايام=ومن الزمان اللي يدور بلياليه
واليوم أبي حلً يجي منك باحكام=وأبيك ياسبة عنا القلب توحيه
داو الجروح اللي بقلبي من العام=ولا اجرحه جرحً على طول ينهيه

احترامي..لكم