قلوب الحب

مجاراه لقصيدة الهمس(تقول اني كرهتك)

الى صدت الصقر والجوع كافر فااذبحه واشوه=وانا سمّيتك القناّص والرمّاي سميتك
والى منه ضمي قلبك من العذب الزلال اروه=وانا لوكنت انا السقّاي بين الناس بديتك
ولا الومك مادام الحب مابين البشر بلوه=وانا في قلبك المقتول بسهم العشق عزيتك
اثار الحب له هيبه واثار الحب له سطوه=وانا ياالحب زليتك وفي دربي تعديتك
ترى النيه مطيه وانت الى منك عزمت انوه=ويامبعدك ياالمشوار حتى لو تمنيتك
قلوب الحب حساسه وتلقا نبضها غنوه=وانا ياقلبي المنسي بصوت الهجر ناديتك
حرام القلب واحساسه الى اصبح للجفا سلوه=وانا ياقلبي المهجورباالونات واسيتك
انابين البشر عايش وكن القلب في خلوه=تذكرتك وابيت اقوى على الذكرى وتناسيتك
ولاحد يعرف الفارس الى ماصار له غزوه=تركتك فاالخلا ياخيلي الجامح وهديتك
يقولو الحظ يغلب ماتجي الدنيا على المنوه=وانا ياحضي العاثر على النكبات خاويتك
وعودي مات من جدبه ولا عاد للورق ندوه=وولعتك بنار الغبن ياعودي و شبيتك
ولا لي حيل مادام القدر يجري ولا قوه=تنادني بعالي الصوت ياحضي ولبيتك
ترى ياالهمس لك كل القصايد من علي فدوه=وانا من شدة اعجابي بما تكتبه جاريتك

الله عليك ياعلي اقول مافيكم حيله وفالكم التوفيق

حي الله صدى الحرمان وحى الله هذا المرور الطيب
وانا اتشرف بمرورك على قصايدي المتواضعه
ولك مني خالص الشكر والتقدير

ترى ياالهمس لك كل القصايد من علـي فـدوه = وانا من شدة اعجابـي بمـا تكتبـه جاريتـك

صح لسانك ماشاء الله عليك هذا البيت لوحده يكفي عن قصيدة .. الله يزيد المحبة

شرفني مرورك الكريم ياابواحمد والهمس شاعر
يستاهل المدح ويستاهل العلم الطيب

الله عليك يا علي ورب الكعبه انك كبير ولكبير الله

المشاركة الأصلية كتبت بواسطة الـجـنــ درع ــوب

الله عليك يا علي ورب الكعبه انك كبير ولكبير الله

.................................................. .................................................. .................................................. ......

مشكور يادرع الجنوب على مرورك
الطيب وطيب ردك