أحبها حب ابن الاجواد للضيف

الله عليك ياالزاحمي قصيده رائعه
صح لسانك ملايين

أبو وليد يقـول صغـت المحاريـف=
وامسيـت ليلـي نـاظـمٍ قافيـاتـي=
في وصف خلٍ فاق كـل التواصيـف=
يخيب فـي وصفـه سمـان البياتـي=
نظرت عيونه كنهـا لمعـت السيـف=
ابـو جفـونٍ بالهـوى ناعسـاتـي=
زينٍ على زينٍ وكيـفٍ علـى كيـف=
سبحـان ربٍ صــورك ياغـلاتـي=
هي ناوي الوسمي وهي نسمة الصيف=
وهي كل ذكرى طيبـة فـي حياتـي=
احبها حب ابـن الاجـواد للضيـف=
لاجـاه ضيـفٍ قـام بالموجبـاتـي=
شرفت ياحبٍ فـي القلـب تشريـف=
حبٍ علـى عفـة وطهـر وسماتـي=
يبقى معي محفوظ من كـل تحريـف=
ساكن عروق القلـب مالـه غداتـي=
وآقول للحاسد ومـن لامنـي حيـف=
حيفٍ عليـك تلومنـي فـي هناتـي=
قصة غرام وحـب ماهـي بتزييـف=
ماني من اصحاب الكـذاب الرواتـي=