حالة الشباب لما يقعــوا فـي الحب ؟؟؟

اهلا بكم جميعا
وتحيه للزهرانيه على الموضوع القاسي

بس خلوني اقف على بعض العبارات
(اولا : ساعة وهو صفنان ولا يدري بحاله ولو تنادي عليه مايسمع (لا حياة لمن تنادي)

يمكن الرجال اصمخ طيب

(
ثانيا : تعبان وراسه بيوجعــه كتيييييير ويحب انه يقعد في البيت (الله يرحم ايام زمان يوم كان البيت يخنق ))
هذي اعراض غريبه مو حب هذا شيء ثاني
يمكن لاف راسه مثلا من الدواره بالشوارع


(ثالثا: يوم بتلاقيه بيسمع اغاني عاطفية ويوم اغاني شجن وهيام ويوم اغاني خيانة وغدر
(سبحان مغير الاحوال والله يرحم ايام الاغاني لشعبان عبد الرحيم ) ههههههههههههههههههههه )

وين ما شفتي شي
شعبولا زين
الا عايشه المرطى يقوم سوقها
لا عاد بعضهم يسمع بوب والا راي صاخب وتلقينه يهزز راسه ما يدري وش يدور حوله
لا عاد لو روق ولا حد حوله قلب على خلف ....
(
خامسا: طول اليوم العطر يفحفح منه عن بعد امتار ( كان يتحمم مره في الشهر والعطر في المناسبات بس ) ههههههههههههه)
عاد وش نوع العطر؟؟؟؟؟؟؟؟؟؟؟؟
تلقين السياره كلها عطور تقولين داخله محل بهارات


(سادسا: الملابس كلها الوان وردي وسماوي وبنفسجي والاحمر .هههههههههه )
وشو ذا الوان الطيف هذا يحب والا داخل مصارعة ثيران؟؟؟؟؟


(سابعا: صوته لو تسمعه تعتقد انك بتكلم شاب رومانسي ( الله يرحم ايام زمااااااان. وهالصوت ال. خخخخخخخخ )
وش دراك عاد
تسمعين بس همسات تقولين قدور طايحه بمطبخ وزار الثوب على رقبته تشوفين العروق طالع
ولو لبس بانتس
الله يستر ما فيه قطعه بالارض الا ساحبها معه
ولو لبس شورت اللي هو برمودا يا ساتر تطلع ذيك العصاقيل تقولين مساعدات هايلكس محليه
.
عاد نسيتي شيء وغريبه ما اوردتيه ولو من عندك
تلقينه بها الاسواق سلاسل وساعه مدري كيف قايله ونظاره شمسيه يالبسها حتى باليل
ويرجع البيت حيله منهد من كثر الحموله جيوبه معبيها جوالات سلاسل وكبكات من النوع الثقيل
ومفاتيح مالها داعي تقولين سجان مو حبيب
ويمكن اشاره او رمز للحبيبه بانه سوف يسجنها في قلبه
وتشوفينه مترزز عند زوايا المجمعات


الحين طلعنا عيوب الحبيبه كلهم
بس تعالي
انتي باي حق تحطمين اهل العشق والغرام
سويتهم معصوب بالفواكه
سات الصوره يازهرانيه
وش يقول عنهم قيس وكثير
الله يهديك بس

والسبيه قال يريدني ان احكم
ساحكم عندما تمر هنا الزهرانيه
ونرى ما تعليقها على الهمس
تحياتي واعذروني على الأطاله