فيني أحكي!!

السلام عليكم ورحمة الله وبركاته

مزاجي مو راضي للمقدمات

وجاني صداع وشرد من عيوني النوم

فوق الغضب اللي فيني والله فيني حزن

بكاااااااااء

ياناس علموني لماذا يستخدم الواتس

وهل تطور التعليم عندنا لدرجة أن الواتس اصبح وسيلة للتواصل بين المدرسه والاهل؟

هل فرضته الوزاره وأجبرت المدارس على استخدامه ؟والا راح التعليم نتيجة اجتهادات شخصيه ؟

اليوم كلمت أختي وسألتها عن بنتها اللي توها باولى ابتدائي

قالت أنها كانت في بداية السنه مبسوطه ومجتهده وماشاء الله عليها

لكن من فتره صارت ترجع للبيت تبكي وزعلانه مني لأني ماذاكر لها زين أو مااحضر لها جدولها

صح.

وقالت أختي ايضا أني صرت القى ملاحظات الملعمه كاتبه الطالبة لم تحضر الدرس

أو لم تحضر الكتاب الفلاني وغيرها من الملاحظات اللي مالي يد فيها< كما تقول اختي

وآخر شي قالت البنت لأمها : أنتِ ليش ماعندك واتس مثل الآمهات الباقيات

والاستاذه دايما تقول امك ماعندها واتس مارح تقدر تتابعك!

أختي دقت على الملعمة وقالت لها أنها ماعندها واتس ماتشوفه ضرورة وأن الوزاره موزعه

دفاتر ملاحظات ليتابع الاهل ابنائهم من خلالها

,واذا مره مافي حل عندكم رقم جوالي اتصلوا علي وعلموني .

قالت الملعمه بكل برود:

هذاك زمن الطيبين,أنا مسوية قروب لأمهات طالباتي اتواصل معاهم من خلاله وارسل لهم الجداول والمستجدات وشوفي لك حل عشان تتابعي بنتك وجربي اذا عجبك الوضع والا احذفي القروب<هذا اسلوب معلمة اجيال < ماعلينا

المهم

أنا عصبت وقلت لأختي مدام هي فاضيه تسولف في القروبات وتكتب وترد على هذي وذيك

ليش ماتكتب في دفتر الملاحظات .مخخ مافيه

وكان ودي اختي تسمع كلامي وتروح لمديرة المدرسه وتتفاهم مع المعلمه والمديره على هذا

الفن الجديد اللي طالعين فيه المعلمات

طيب الحين البنت في الصفوف الدنيا ومعلمه وحده لكل المواد اذا باقي على خبري <

لكن ماهو حال الصفوف العليا الحين كل معلمه حاطه قروب لمادتها مع امهات الطالبات

وتقعد الام مسكينه تطارد القروبات لعيالها ؟!

والا احسن خلوا الطلاب في البيت واعملوا قروبات صفوف (قروب سنه أولى , قروب سنه ثاني

قروب سنه ثالث ..... وهكذا وتكون الدروس مقاطع فديو او مقاطع صوتيه

اريح والا وش رايكم !

ودي اعرف بس الوزاره موافقه على هذا الحال ؟

من جرف لدحديره ويا بلادي واصلي

حسبنا الله وكفى.