%%% (( مساء رباع ..... الفنّ والإبداع )) %%%

مساء الشعر والشعراء ..... مساء رباع الفن والإبداع ....

( علي بن مخراش .... وأبو ياسر العويفي ...... الزيادي )

أتمنى أن تحوز على رضاكم وإستحسانكم ....
/

البدع : علي بن مخراش=
**=
خيّووه ياإبن العمّ وش بك ؟ ولك ولك؟=
المحض ماهو محضٍ أصلي ولو حلب=
ودي تردّ الشوف ياصاحبي ونُصيري=
واللاش ماودي يطوّل شبيحته=
**=
الرد : الزيادي=
**=
الأمر لله ... ماهوَ بلي ولك ولك=
وعين ربي فرّقت حِمْص من حلب=
من حول بشّار الاسد عَلَوي ونصيري=
طوايف الأثني عشر من شبيحته=
**=
*=
*=
*=
البدع : أبو ياسر=
**=
بعض العرب مهما تضيحك وجاملك=
ما ساعدك فيما يقوله ... ولاهرب=
ياهب لنثّار الفتن وردةٌ وصديري=
والبحر الأحمر مابيقوى شريعته=
**=
الرد : الزيادي=
**=
من يوم أبو متعب على الدوله جاء مِلك=
من بدّ حُكّام الجزيره ولاه رب=
له الولاء والطاعه من خاطري وصديري=
العاهل اللي شرّف الله شريعته=
**=
*=
*=
*=
البدع : علي بن مخراش=
**=
سوّيت لك شاعه وتحليل من دمك=
يوم المحبه والصداقات والعُرب=
والا المزرفل يشتغل والرصاص الميري=
كلٌ حماه الله وعقله وشيمته=
**=
الرد : الزيادي=
**=
يامندمك في بدع الأمثال ..مندمك=
شرهه من المولى ... وشرهه من العرب=
وأنا بغيت آزيد فالأعطيه والميري=
والا إنّ قبلي شيّ حالي وشي مته=
**=
*=
*=
*=
البدع : أبو ياسر=
**=
شَبَكت ردّ العلم فالبدع .. وأنشبك=
ولاتقول القصر ماله ولا عتب=
واللي يوصّيني فلا قلت له وصْ غيري=
ساقي يُمرّ الدرب الأعسر .. ولا يته=
**=
الرد : الزيادي=
**=
من الذي طيّحك فإيديّه وأنشبك=
معين يلحقني ملامه ولا عتب=
أنا من أول يوم أنا جاهلٌ وصغيري=
الشرع ما أضِيّع حديثه ولا آيته=
**=

ابداع فعلا ابداع

صح لسانك يالمبدع وبن مخرش وابو ياسر

تقبلو مروري

وودي

ثلاثي الابداع والجمال الشعري ما اقول الا بيض الله وجوهكم على هذه المحاورة نتمنى شعراءها جميعهم في رباع

المشاركة الأصلية كتبت بواسطة نجم الجنوب

ابداع فعلا ابداع

صح لسانك يالمبدع وبن مخرش وابو ياسر

تقبلو مروري

وودي

الابداع مرورك ... لاهنت

ألف شكر ....... ويعطيك العافيه

صحت السنتكم في هذه الروائع الفريده يعطيكم العافيه

صحت الألسنة وتعافت الأبدان .. لا هنتم

تقبل مروري