ياسبيه جيبهــــــــــــــــــــــــــــا

صح لسانك ملاييين يبن سلمان
وانت يا علي اشوفك كررت كلمة " أنا "
في بدايات القارعه
وانت تقول ما يجوز تتكرر اي كلمة شبق وان قيلت

الرد:علي السبيه=
.=
لا نقضت العهد يامن تعاهد منت امين=
لا تامن ياخاطري كل من عاهد وخان=
ياالجاهل ماجاز علمك ولا ريحتنا=
ماخذينا هرجتن ناقصه واشوار عيه=
ردها للصحابها لا تعلمني بها=

الله الله على هالابداع صحت السنتكم يالنشاما

البدع=
منت راعي بلّ ياللي شريت الناق دين=
أنت مسرف عادتك تهمك المال أهمكان=
مانبي بعدك علامك تدور بعدنا=
النصيحه بعد مديت رجلك بالخطيه=
الخلايق نبّتك لاتحاس بنيبها=

الرد:علي السبيه=
.=
ياعجب حتى الجويهل غدا ماالناقدين=
غير ودي نخسره بيننا ماله مكان=
اذلف ياالجاهل علامك تدور بعدنا=
مثلك مايفرق صواب المعاني والخطيه=
والهروج الزايفه لا تحاسبني بها=

البدع=
ماتفيض الحبه الا بماياً ولف طين=
والخيانه ماتربى بها غير الخوان=
والصابر يجرع مراره من الصبر وسنا=
وأنا في تفريق الأصحاب مالي وجه نيه=
والخيول الدهم ماغرني تدريبها=

الرد:علي السبيه=
.=
ياابن سلمان انت راع المعارف والفطين=
وانت من عز الرفاقه ومن ضمن الخوان=
معرفة شرواك دايم تنصب روسنا=
قلتها من صدق ماقلتها لك وجهنيه=
والموده والوفا بيننا تدري بها=

مبدعين مبدعين اشكركم على هذا التوهج الشعري والقصايد الجميله ذات المعاني الساميه والتراكيب الفريدة والالفاظ السلسه التي تجذب المتابع أهنيكم على هذا التميز وتقبلا مروري من هنا .