السبيه- ابن الجنوب- الهجير.

البدع=
نعرف البندق وقلته ونعرف من نصوب=
ماحب اهل الحقد وأهل الظلايم والغدير=
عندنا قلتٍ يفت الصخور المارويه=
والعرب ما همنا جنسها وأديانها=

الرد:إبن الجنوب=
*=
مرحبا مادامت البرّق أشعت من نصوب=
بعدها يترايع الماء في الجم والغدير=
وقلوب أهل العطش في وجود الماء رويّه=
وديار الخير ماتنقطع وديانها=

إبداع من مبدعين غنيين عن التعريف ...صحّت ألسنتكم جميعاً ...

متابعين لهذه المحاوره الجميله ...

الله الله
ابداع من كل الاطراف
موفقين

البدع=
اليالي مظلمه والمخاطر بالدروب=
والقدم يا ساري اليل تحلف ما تسير=
الخطر لو تسبي اقدام من يسري سبيه=
كم نفوسٍ عذبوها على عنوانها=

الرد:علي السبيه=
.=
وشبكم ما تفرقون العليمي والدروب=
الهروج الزايفه ماتصح وماتسير=
كلما ضاعت رساله تشدون السبيه=
وانا مالي باالرسايل ولا عنوانها=

البدع=
أنت تدري بالسهاله وتدري بالصعوب=
خذ نصيحة صاحبك وأتبع الدرب القصير=
انا مادري بعضكم ستر ربي وش رزيًه=
شين حظه حد روحه على نغصانها=

طيب ياحبّانيه على بركة الله...

الرد:إبن الجنوب=
*=
عندنا ترويض الادهم وتدريب الصّعوب=
واللذي ماخذ خبرنا يعلّمه القصير=
إن بدينا نعمي أهل الكهارب واشرزيّه=
وإن بغينا هلّ شجره تلين أغصانها=

الشكر للجميع والتحيه والتقدير هنا الشعر الراقي والذوق الرفيع هنا الابيات الذهبيه المرصعة بالؤلؤ والالماس هنا الحروف المضيئه هنا شموخ القوافي وقمة المهاره والحرفه
شعراء عمالقه اثروا هذه الصفحة وطرزوها بالذهب ونثروا عبير الورد والجوري وبخروها بالعود والعنبر

تقبلو ا مروري جميعا شعراء التميز وواصلوا ونحن متابعون لابياتكم بشوق ولهفه

اجمل التحا يا والشكر الجزيل

بالنيابه عن أطراف هذه المحاوره أتقدّم بالشكر الجزيل لكل من مر كل واحد بإسمه ولا خلا ولا عدم...