سيدي قم وعش مابين كوكب زحل والمشتري

*=
البدع: البرق اللامع=
*=
سيدي قم وعش مابين كوكب زحل والمشتري=
واحكم الشمس لامرت على ايامنا وظلام حالك=
وخل باقي الكواكب تحت كفك وراقب وانتظر=
واملك الوهم في عالم خيالك بمبدأ النرجسيه=
وامشط الارض باقدامك وكحل عيونك من حجر=
واشرب اللي يجي من نهر والا بحر حالي ومره=
وارفع الصوت وانشد كل كائن يمرك من تكون=
رحت في عالمك والا تعود بعد تروى حسيفه=
يوم لاينفعك مالك ولاجاه والا صاحبك=
خذها مني نصيحه يابن الاجواد لاترقب لغاوي=
يوم جالك بحبا في لسانه وقوله وافتنا=
*=
الرد: المرقاب=
*=
سوق الأسهم خسارة بين بايع وبين المشتـري =
خبت ياسوق فيه الفقر يظلم بشر بظلام حالـك =
التجارة تجي بالخير لصحابها وامّا أنـت ضـر =
لا تقرّب زهور الحنظلة مـن ورود النرجسيـة =
الله يا مخبل اللي يطلبون الليونـة مـن حجـر =
أول مرة خسرنـا جالنـا بعدهـا مـرة ومـرة =
وأنت ياللي عديم المعرفة بالتجارة من تكـون ؟ =
بعض الاموال فوق البحر وارزاقها في منح سيفه =
لاتصدٌق ضعيف العقل في هرجته لو صاح بـك =
للكلام الحكيم الزين راقـب ولا ترقـب لغـاوي =
ون نشـداك يالقاضـي تقـدم بعلمـك وافتنـا =