ديـــــــــــوان شاعر الجنوب

رسالة عزاء لابن ثامره

البدع/ عبدالواحد

كانت الكلـــمة تمنعــني لـــو اقـــولـها وتلعـــثمن

يـــوم حــــاول لســـاني ينطلق مانطقت الا قصيده

مــــا لحقـــت اتهــنا صــرخة المهـــد وامنا غايته

واثرني مثــــل مــــن داهم رمال النفوذ وضيع ابره

وا لامثـــل الــذي باظفاره الخمس ينحت من صخر

القصــــايد رســــاله فــات عنوانها والهيض امانه

رفضـــت حمـــلها السموات وتعذرت منها الجبال

والقصـايد خذت من كل ما في الوجود اقوى صفاته

مزرعـــة تنبت احـلى عـود بين الشجر وامر عود

والقصــايد بقـــايا نشــوة النصـر واذلال الهزيمه

يوم زرق الرمـاح ويـوم وقع النصال على النصال

وانها رجـــع زفرات المسـاجين وآهـــات اليتامى

يلطـــمون الخـدود ويذرفـــون الدمـوع مع ونين

والقصــــايد تراحــــيب التـــلاقي وتلويح الوداعي

حيث ما تخــــرج الا من قلــوب تذوب وتحـترق

والقصـايد براكين المشـاعر وزلــــزال الضــماير

وارتعاش الخفوق ونزف جرح الشعور اللي نزف

اما انحن لو نظــمنا شـعرنا مـا يعبر عن وجعـنا

والقــــيم والمبــادي عنـدنا من حناجرنا وفــوق

واتذكرك يا بن ثامـــره بين صـفحات الجـــرايد

ليتــك يا شـاعر الفرسان باقي على قيد الحيـاه

لو نسـمعك بعض انتـاجنا يا محـــمد ياثـوابي

كان حـرمت مــن نظم القصايد ومن ساجوعها

الرد/ عبدالواحد

من يرجـــع زمــــانٌ فـــات باغلى سعر واتلع ثمن

يوم كــانــــوا عــــباد الله بيض النــوايا والقصيدة

كان كــــثر القــــناعة مطلــب القـلب وامنا غايته

يا هجـــورٌ مضـت ما كانت الا دروس وضي عبره

اصــخرت قلبي اللي لو بغوا يصخرونه ما نصخر

كانت الــــروح مخلـــوقه لبلع الفقر والهيضمانه

كنا فعـــلا جــــياع وكانت المعرفه من هلــج بال

كنا مــــــا نرقــــب الا راعد الوسميه وقواصفاته

البـــــلابل تغـــرد غير ما كانت احلى ما الرعود

والقنــــا والجنــا في الزرع ما يحصد الا وله زيمه

المحـــــاصي زادت واســـتوت للصـــرام وللنصال

كانت الفرحـــه مــا تكمل وحزن الحزانا ما يتاما

وعمـــــود العمـــــل راعـــيه والمســلمين معاونين

كان كلٌ يجــــيب إذا دعــــاهم لحـــكم الله داعــي

ناســـاً احــــرار واما ناس ما عشــوا الا تحت رق

كانت الخـــيل يحكمها خــــيول المســابق والضماير

واللي يرمي وترمش عـــينه امــــا قصر والا نزف

كم حزمنا البطون على الحجــــــاره وعانينا وجعنا

كانت اللـــقمه معــــدومه ولاكان في الــدنيا وفوق

والقوي ياكل الضعفا ولا يشــــبع الا من جـــــرايد

وان شبع ما تهنا اللـــقمه اللي على قـــيد الحــــياه

بعض ساعات عمري ودي اخرج بجسمي من ثوابي

كل ما احـــاول انســــــى ذيك الا يام وانسى جوعها

السحاب البعيد