ابو صـ ـ ـ ـ ـ ـ ـ ـالح تستوقفه دمعة

المشاركة الأصلية كتبت بواسطة علي السبيَه

والله ونعم ببوصالح وونعم بك ياالغامديه واسمحي لي بهذه
القصيده اعجاب مني باالشاعر الكبير ابوصالح وهي مجاراه
واعجاب لقصيدته الرائعه

ونعم بمن لاقال يوفي باالاقوال=لاقال ابوصالح فقولو مجده
من لابةً ماحسّبو يوم الاهوال=اهل الوفا في وقت لينً وشده
وروسهم روس الحميات واطوال=راس الشرف والجود من ذا ينده
مافيهم الخاين ولافيهم انذال=والا الذي بيّاع فضّاح سده
والشيخ ابوصالح نقف لجله اجلال=نقدره ونزيد قدره ونوده
شهمً صليب الراس وافي وجمّال=وشوره مقدم بيننا ما نرده
لاقال طال واوفا كلامه باالافعال=فارس على حرب الوغا قاد جنده
خلق على الناموس ونعم ولازال=ماينقصر حيله وكفه يمده
يوم ان راع الحيله يمكر ويحتال=والطامع اللي مرزقه مايسده
قصايده فيها تواصيف واعدال=احلى من الجلس المصفى وشهده
كم صال في نضم القصايد وكم جال=يبني هجوسه بين ليله وغده
قصايده متميزه انجوم واهلال=بستان راوي فيه زهره وورده
ياالشيخ ابوصالح قصيدك على البال=مثل الحظوظ الطيبه ماتصده

صح لسانك يالمطلق يا ولد المطاليق

وبيض الله وجهك ياراعي الطيب والمذهب العريب

وتحياتي واحترامي لك مراراً وتكراراً