%%% (( لبّيك اللهم لبّيك ... لبّيك لاشريك لك لبّيك )) %%%

البدع : الزيادي=
**=
الزيادي قال : جفوى صاحبي والخِلْ قهر بعين=
ياللي تبحث سِرّنا المدفون .. ماتكشف بغايتك السِّر=
وإن تحسّفت ... الحسايف ماتفيد وهايهاتها=
الحسودي يجحد أفضالي وأنا أداريه وأدرَ اجوحْدي=
مايحاسب لو كتمت الدمع وإلا لو جهشْت به=
مدري آنا أطوي شراع أهل السفينه صدق وإلا آفلّه=
ودي أتكيّف ولو مَرّه كما الروس المكيّفه=
ماأبغي أتعب يازماني ... والذي قد صابني كفّاني=
أبغي أجمع (ضايق الخزرج) على (حَنّاس أواسيه)=
لكن القابض على دينه مثيل القابض على جمره=
والسفينه لو عصت موج البحر فلّق تروسها=
**=
الرد : الزيادي=
**=
سبحان الله قد جعل وجه الشبه من خلقه أربعين=
يوم حجّيت ... أكثر الحُجّاج من زولي بغى يتكسّر=
يحسبوني من عيال (آل النعيم وهايهاتها)=
والحقيقه طول وقت الحج وآنا آسير وأدرج وحدي=
وسط دهشه ... ماطرا لي بإنّ بعض الأوجه أشتبه=
قلت : مادام إنّ هذا وضعنا لا والله إلا فَلّه=
خلّني أوقّف فيَ المشعر بسيّاره مُكيّفه=
حتى وإحنا لابسين (إحرام كنّه عالبدن كفّاني)=
والله إنّا مانحن واحد ولا حِنّا سواسيه=
وإلا فيما فات كنت (أغصّ وأبلع) عند رمي الجمره=
كم من الحُجّاج بالسبع الحصى فلّقت روسها=
**=