قصيدتي ومجارات ترانيم المطر

هذه القصيده كانت بدع مني وقامت الشاعره:ترانيم المطر مشكوره بالرد عليها
أو كما يقال مجاراتها وكانت مبدعه ومجاراتها لاشك غطت على قصيدتي

جميله وحدها تمشي وأنا ماشى لحالي=تــعـــدتني ولكـــن شفتها تنظر وراها
رفعت إيدي وقلت آهلاً بصاحبة المعالي =وقلبي يرتجف والعين تخجل من حلاها
فــردت مرحبا يامن تولــع فــي دلالــــي=تـــرى اللي صادقه بالحب تغلي من غلاها
فقلت أنا اشهد إني قبل أشوفك كنت سالي=ولا لي رغبه أهوى البيض وإلا أسمع نداها
مع الأصحاب كنت أ قضَي أوقاتي تسالي=ونــــفسي راضيـــه بالحيل وتـــردد غُــناها
زماني ذقت فيه الـمر وحـمولي ثـــقالـــي=وعمري ضـــاع بالـــدنيا وعـــذبني شــقاها
أوجهها يـمين وتتـجه صوب الشــمالــي=الايـاويـل عيـني مـن حيـاتي وشبـلاها
أصيح من الـذي فـيني وأقـل يـاعزتـا لي=وروحـي تشتـكي والعين تذرف غزر ماها
حلــيلك ياصويــب الحـب باولها وتـالي=قضيـت الـعمر كلـه وأنـت تتمنى تراها
إذا غابت وصدت عنك قلت لها تــعالي=وإذا شافــتك صدفه قلت قلبي قد سلاها
ألا يالعن بو ذالحب والعشق الخيالي=ويـا لله تقـطع إللي لاعشـق قام يتباها
صحيح الحب غربلني ولا أنا به مثالي=ولكن ودي إن الروح تروى من ضماها
عشقت أنا وقلبي حبّ صاحبة المعالي =هي ألنجمه وأنا قلبي مولع في سماها

مجارات الشاعره ترانيم المطر

جـــتـــنـــي بـــيـــوتــــن وافـــــيـــــه بــالــكــمــالــي=مــــن عــنــد شــيــخ كــــم صـعـيـبـه رقــاهــا
يـشـكــي مــــن الــلــي صـابــتــه بـالـهـبـالـي=طفلـه تحسـب الحـب مـن شـرب مااهـا
'في عينها اليمنى جواب وسؤالي = والحزن باليسرى وصل منتهاها
الـــحـــب لــــــه مــيــنــا ومـــرســـى وجـــالــــي=والـنـفــس لــــو دشــــت تــمــوت بـضـمـاهــا
ان عــــاش بــــه يـومـيــن جــــاه الــزوالـــي=ونــفــســـه تـــمــــوت ولا لـــحــــق مـنـتـهــاهــا
خـلـك مــع الاصـحـاب واف الخصـالـي=ولا تــغــرّك الـدنـيــا لـــــو اشـــــرق سـنــاهــا
كـم واحــدن قبـلـك عـلـى الغـصـن مـالـي=واخــضــر غـصـنــه وايــبــس الله جـنـاهــا
احــســب حــســاب لــيــوم مــابــه مـجـالــي=مـــــــا يـنــفــعــك زيـــنــــن ولا فـــيــــه جـــاهــــا
دنـيــا دنـيــه كـسـبـهـا بالـمـحـالـي=لـــــو اضـحــكــت لـــــك لا يــغـــرك نـبــاهــا
اعــمـــل لــــــدار وخــــــذ مـــعـــاك الـثـقــالــي=قــــــــــدم جـــمـــيــــل وقـــامــــتــــك لــتــحــنــاهـــا
كــــــم جــاهــلــن لــلــذنـــب بــيــديـــه كـــالــــي=واكـــتــــال مـــــــن دنـــيــــا قــريــبـــن مـــداهــــا
النفس ما تقنع برزقن حلالي =وسوس لها ابليس الخسيس وعطاها
يالله يا المعبود وال الجلالي = النفس تعصمها وتستر خفاها