حطيــت يــدك بيــادي الوشــاتي *** ونسيـت يـوم المـوت بتنازعونـه

أعزائي جميعا إكمالا لقصـائد بيت بيت أكمل هذه القصيده :


مديت له يدي في اول حياتي*واليوم تاليها العنا والمهونة
الله وش ذا الغدر مسرعه ياتي*والعهد والميثاق عيا يصونه
والله ماانسى الزين حلو الشفاتي*والسهم من عينه وكحلة عيونه
تسهر وانادمعي على الخد باتي*يا قاضي بالعدل وش هو ترونه
النفس ما ذاقت لذيذ المباتي*يامن بتالي الوقت كنتم تجونـه
باصبر على ماصارومافات فاتي*غير الذي في القلب ما يمسحونه
ما عدت اميز بين صيف وشاتي*وحلو طعم الزاد ضيعت لـونه
آدور ارضاكم من سنين جاتي*لصغار وكبار نسعى بعونـه
هذا جزا المعروف والمنكرات*ياللي تعرف اللـه ما تنكرونـه
حطيت يدينك بيادي الوشاتي*ونسيت يوم الموت بتنازعونـه
......،،،،،.......المـوج...،،،،،،،،......