الرز البخاري اللي يحبو قلببببببك...

هادي طريقة الرز البخاري الاصلي..
مو المغشوش اللي في السوق..:d

=======

المقادير..
طبعن على حسب كمية الاشخاص..واللحم اللي تحطيه..
انا حاكتبلكم مقاديري تكفي تقريبا لتلاته او اربعة اشخاص..

*خمسة اوصال لحم بعضمه مقطع قطع متوسطة..
*بصلتين حجم متوسط مقطعة صغيرررررر..
*تلات حبات طماطم مفرومة..
*ملح..
*10 حبات جزر مبشور..((لا تستغربو لانو طعمو مايبان))
* ملعقتين معجون طماطم..((ملعقتين اكل)) او حسب الرغبة..
*تلات كاسات رز..امريكي او بسمتي..اللي تبغوه..انا اسوي بتلدا-بسمتي..
*زيت..على حسب رغبتك..انا احط تقريبا نص كوب..
=====

الطريقة..
*حمي الزيت على النار..بعد ما يحمى..تحطي عليه البصل واللحم ((د ماتغسليه طبعن)) والملح..
*قلبيه اللين ما البصل يسير اصفر غامق((مو ينحرق)) واللحم يروح الدم منو..
*حطي عليهم الجزر المبشور..تقلبي وتغطي القدر..وترجعي تقلبي باستمرار وتغطي القدر..اللين ما يدوب الجزر..والسمن يطلع على الوجه..اوكي..
*تحطي الطماطم المطحونة عليه وتغطي القدر..وبرضو تقلبي اللي ما يطلع السمن على الوجه..
*تحطي الصلصة((معجون الطماطم)) وتقلبي وتغطي اللين ما السمن يطلع على الوجه..
*تملي القدر تقريبا اللين نصه بالماء..وتخلي على حرارة متوسطة..وتغطي القدر اللين ما يستوي اللحم..
*تغسلي الرز..
*بعد ما يستوي اللحم..تحطي عليه الرز..وتحطي الماء على حسب الرز((الرز اللي انا استخدمه مايبغاله مويه..انا احطه على موية الصلصه اللي استوى فيها اللحم)) المهم تحطي موية على حسب الرز اللي بتستخدميه..
*تخلي القدر مكشوف اللين ما يتشرب الرز الماء..تغطي القدر وتخلي على درجة حرارة واااااااااطية جدا..
*تخليه نص ساعة يتدمس و لا تكشفي القدر ابدا..

وبس..

والعافية..