الغني طماع وجشع !! وأسمي وتوقيعي لمن يستحقه

السلام عليكم ورحمة الله وبركاته

قبل يومين جتني ورقه من احد افراد القريه وفيها اسماء اناس ثلاثه ويطلب مني ان ينظم اسمي و وتوقيعي مع بقية الاسماء لموافقتي عليهم :

الاسم الاول : (فلان من الناس . امام وخطيب للجامع ) طبعا وافقت عليه لانه سبق وخطب واام بالناس واعرف ان خطبه وقراءته ممتازه وايضا على استقامه .... فلناا الظاهر

الاسم الثاني ( فلان من الناس . مؤذن للجامع ) ولكن شطبت على اسمي وكتبت في خانة التوقيع لا أوافق والسبب ان لديه دخل شهري يزيد عن العشرين من التقاعد ...

الثالث ( فلان من الناس . فراش في الجامع ) ايضا رفضته لان لديه دخل شهري يكفي ان يعيش ثلاث عوائل ....

يمكن تقولوا حسودي او انه لا يهمني الا احسب للناس الدخل لديهم واني ملقوف او او او اللي تقولوه

لكن انا ابين لكم موقفي هذا او تصرفي تجاه المؤذن والفراش

السبب هو مادام ان هؤلاء الاخوان الله يرعاهم لديهم دخل شهري ان يتركوا المجال لغيرهم وان ينظروا الى من هو بالقريه يستحق ان يكون مؤذن وفراش لمن هم من ذوي الدخل المحدود حيث ان في القريه في شخصين يغلب عليهم الفقر ولكل واحد اسره لا يكفي دخلهم من الظمان ان يغطي احتياجاتهم
وبهذا استطعنا ان نحل مشكلتين الاولى هو توفر امام ومؤذن والثانيه استطعنا ان نحل من ازمتهم الماليه

يمكن تقولوا يا شخص يمكن الي رفضت ان توقع لهم بان نيتهم ان يكسبوا الاجر والراتب اللي يجيهم من الاوقاف يتبرعون به
ولكن اقول لكم ان الاثنين من عبدة الدرهم والدينار ويمصوا العجم


طبعا انا تصلت بعدها بالشخصين الذين هم في امس الحاجة للريال هل ترغبون في ان يكون واحد امام والثاني مؤذن
فكانت اجابتهم بنعم والرغبه الشديده ...

يمكن تعلقوا علي ياشخص يمكن واحد منهم يعجز في القيام بالتنظيف يمكن به اعاقه و كبر بالسن والثاني ما ينفع صوته ما هو طيب

فالاول بأتم الصحه والعافية
والثاني صوته طيب تراه يأذن في مسجد اذا تغيب المؤذن ولو صوته ماهو طيب ما رايح نسوي فيه زي ما سوى اعرابي طلع على سطح المسجد وضرب المؤذن وهو يؤذن وانزاه من فوق وزاد لحقه ومردغه ولما سالوه الناس عن فعله في المؤذن قال ما هو من اجل رداءة صوته ولكن حتى لا يشمت اليهود والنصارى بالمسلمين

المهم اني اتصلت بالقائمين والمتابعين لهذا الأمر وبلغتهم بالفكره ولكن الاخوان شكروني وبدأو بالاعذار والفلفه في الكلام ....

ملاحظه : الاثنين اللي رفضتهم والاثنين اللي طلبت ان يرشحوهم رغم اانهم غير مسجلين بالترشيح ليس بيني وبين اربعتهم قرابه ولا أي موقف يسوء بيننا ولكن ما هي الا وجهة نظر

اليس من الافضل ان نعين ونتعاون ونساعد وان نقف مع بعض ونواسي الجميع ونفرح لاخينا المسلم وندعوا له بالتوفيق

فما تعليقكم