زمن جدي وجدك احلى ........

شكلى زودتها بطرح مواضيع او البعض يقول زودتيها والبعض بيشق هدومه مني <<

لكني اؤمن كثير بالطرح المفيدالبعيد عن التكلف....لذلك اسرد لكم بعض ماحدث معي ....بطريقه اعتبرها سهله بنظري ومافيها اي تكلف

.....المهم

قلت لااخوانى نطلع العصر نروح لمزرعتنا فيها نخيل وكم طعس وكم دباب لزوم التطعيس والفله

وفيه 3 صعايده

اقول لاابوي ايش يسوون يقول يزرعون لهم خمس سنوات وانا اذكرهم ليومنا هذا ماتتحقق حلمى وشفت المزرعه خضراء مافيه الا كم شجره واقفه وكم ورده طالعه واذا طلعت عليهم حيه او عقرب فضحونا الصعايده بااتصالهم <<مو متعودين

مالكم بالطويله.....

طلعناعلى الطريق الى فيه المزارع مسكناالخط وماراح نرجع حتى ننبسط ونستانس وحتى تروح الضيقه اللي دايمآ

تالي عصير مرا ت تجي خاصا لما الواحد يقوم من النوم..

ومسكنا الطريق ومشينا ومشينا...........وكمان مشينا..

المهم وحنا فى الطريق

ابي اشوف مزرعه وحده على الاقل حلوه ماشفت...
سبحان الله مزارع خضراء كانت تفتح النفس وتشرح الصدر...

تغيرت حالها يوم راحو الشيبان وماتوالله يرحمهم واتركو المزارع...وأستلمها شباب كسالى كل شي يبونه ع الجاهز(حلوه كسالى) ....

النخله اللتي كان يعاملها الشايب من ايام هو صغير وحتى بشبابه وهو كبير فى السن وكأنها واحد من اولاده من كثر اعتناءه بها وخوفه عليها..

اصبحت شووك وجفاف فى جفاف...

لم يعد النخيل هو نفسه.....ولم نعد نشاهد النخيل ونتذوق تلك التمور ..

لأنه الي كان يتعب عليها اصبح تحت التراب.........

لم يبقى سوى ذكريات اولئك الاجداد الرائعين والشيبان الطيبين ...

اللذين لم يكتفوا بتأمين لبيوتهم....ولم يكتفوا بتأمين التمور لأقاربهم...

بل كانوا

يوزعون تعبهم وجهدهم الى كل البيوت والى يعرفونه او مايعرفونه يعطونه ويفرحون بالشي ذا لانه يسعدهم ويفرحهم..

اذكر قبل يوم نروح لمزرعتنا فى الديره كل اخر اسبوع طلعه ونااسه وكل الى فى الحي يجي بس من كبر جدي تغيرت الامور ..

الحين لم تعد المزارع او اغلبها الا... للهنود والبنغالي المتخلفين اويتاخذونها ماوى او لصنع ؟؟؟

ولم تعد المزارع الا لسهرة اخر الليل وعزف ودق الطبل ..او لنساء والتجمعات العائليه اخر الاسبوع .....

نعم فيه بعض الاعتناء من البعض....ولكنه الاعتناء والاهتمام لم يعد مثل السابق...والدليل ..

اذهبوا لا اقرب محل لبيع التمور

وشوف انواع التمورالموجوده و المتوفره بجميع الاحجام ....كلها من الاحساء والقصيم.... والمناطق الثانيه شكلها ماتت !!

مع العلم اني انا شخصيآ افضل التويكس مع القهوه لانه يذوب
وبنفس الوقت التويكس مايخرب اسناني <<دعاااايه

مثل تمر هاليومين.....

اللي تاكل فيه وتاكل وتاكل وتااااااااااكل وتردد ياليل ماطولك..
وتحركه بين اسنانك يمين وشمال والتمره لسا مانقص حجمها من القساوه....

الله يعين والى مالهم سنون خاصا العجايز راحت اسنانهم.....

سؤالي ...../

_ بموضوعي قصدت الوضع تغير اكثر ماقصدت المزرعه نفسها هل الوضع تغيربالنسبه لك ودوام الحال من المحال ؟؟؟؟

_ عندما تتذكر الماضي ومافيه من ذكريات حلوه تحن لهذيك الايام اوالامر عندك تطور اصبحت المزرعه استثمار وارض لا يوجد فيها غير التراب الابيض فقط ؟؟؟

_كيف نظرتك بالنسبه الاهتمام فى المزارع قبل والحين وهل فيه اختلاف مع التقدم ؟؟؟؟؟ وهل زمن جدي وجدك احلى رغم قساوته؟؟؟

بقلم / همسة شوق:cupidarro