علي السبيه ((( نجم(ن) صلاة الظهر يشوي علي )))

استاذي علي السبيه وينك عن صاحبك مالك شوفـــه
ماودك تصاكع براسيه شويه هيا تعاله دخيلك خلني
اجغر شويه زي كل مره وخلني اتعلم يقولون كل خبطه
بتعليمه وخلني اشوف وش نهايتها معك يمكن ارتد واحده من عشر.

البدع ابو صالح=
.=
ياصاحبي نجمك علينا بدا=
وتباشرو به من يهاب الظلام=
لكن باوريك ون عشت غيره=
نجم(ن) صلاة الظهر يشوي علي=
.=
الرد علي السبيه=
.=
ماهبّـت النسمـه علينـا بـدا =
بعض العرب له سهمةً في الظلام =
واعصارنا لاغار وانعشت غيره =
بعد تقول الرحمه واشوي علـى =
.=
البدع ابو صالح=
.=
وش غر تاريخ العرب من شدا =
ما جابو اسمه معلم(ن) من علام =
دام المورخ يا علي من سديـره =
يقول كل المجـد والعـز لـي =
.=
الرد علي السبيه=
.=
تنشد عن اللي ماعنه منشـدا =
ولا صدر له نشرةً من عـلام =
واللي حزامه مطرقً من سديره =
مانعتبـره الا مـن العـزلـي =
.=
البدع ابو صالح=
.=
يالسيل متفـوق عليـك الهـدا =
وادي ولكن ممحل(ن) وانت ظام =
والا الهدا مايه نبع من صديـره =
مغلاه الى من كل غالي غلـي =
.=
الرد علي السبيه=
.=
اللي يسير من دروب الهدي =
يقتع ويلقا فايـده وانتضـام =
واللي رقب للوارده والصديره =
يموت من همه وقلبه غلـي =
.=
البدع ابو صالح=
.=
مانخبر الفرسان بالمرقدا=
والا كثير الناس دوم(ن) نيام=
والفارس الي فزعته من وزيره=
يعطونه الميلان والصيت لي=
.=
الرد علي السبيه=
.=
لاتحسب ان القلب باالمر قدا=
نغنى وروس اموالنا في نيام =
الظلم مايثبت علينا وزيـره =
ليتك من الارشاد وصيت لي =