العيون النرجسيه

احلى مساء واحلى تحيه للعيون النرجسيه=العيون الساحره لاسلهمت يلهب جمرها
والرموش اللي لها فوق الخدود الحمر فيه=لاتلوموني ترى قلبي تعلق في نضرها
العيون اللي تناضرني بنضره مستحيه=ماتقول الا سحابه تروي اشواقي مطرها
مدت لي فنجال قهوه ماالدلال الشاذليه=مادرت باان الهوي محصور كيفه في بصرها
عين فيها القلب مات وعين فيها الروح حيه=والحياه مابينها ياحلوتي ترقب قدرها
سافري بي ياالعيون الدعج والنضره مطيه=اوصلي روحي مناها حتى لو طول سفرها
انتي لي كل الدروب وانتي الوطن بين البريه=وانتي لي كل البحور وانتي موانيها وجزرها
وانتي لي نبض الحياه الخالده وانتي المنيه=وانتي النار ولضاها وانتي الجنه وشجرها
دام لك سلمت روحي تنتهي كل القضيه=ودام قلبي طاوعك ماقلت روحي من جبرها
اقتليني يافتاتي ماعلى العشاق ديه=دام روحي يافتاتي صارت اعيونك قبرها