كلاب الشوارع

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

يا كلاب الشوارع زاد صوت النباح=تطردون الفريسه مثل طرد السهم
تولجون المحرّم في مجال المباح=للشهره والفضايح تشحذون الهمم
كيف للطاير المذبوح يلوي الجناح=من تعثّر مسيره ماوصل للقمم
وانتم ازهقتم ارواح العفى والصلاح=ثم لطّختم الواح الحياء باالحمم
ليلكم سرمدىّ ولا جلاه الصباح=اشتغلتم بتحضير الفتن والنقم
واشتبك في ميادين الملاح القباح=وزاد صوت النباح وكل صوت انكتم
في قوانينكم وين التقى والسماح=سقتم الناس زمرى مثل سوق الغنم
كم غرستم في الاجساد روس الرماح=وانقطع كل عرق وكم وكم سال دم
ذيل الاجرب نجاسه ما يداوي الجراح=الاجرب للدنس دايم يجر القدم
من سواياكم اهتز العلم لين طاح=ومن سببكم تذيّلنا مسار الامم
كل سقطه تسمى في عملكم نجاح=رغم منقودها يدني الجبال الشمم
لين سرتم تسمّون الفضايح فلاح=وتحسبون الكباير في مقام اللمم