تحيه وتقدير يابديع زهران

الغالي بديع زهران من غير قصور في الجميع وحيث انت اللي نسقت موضوع المحاوره
وقدمت الدعوه لي بوجه الخصوص يعلم الله اني ماتجاهلت دعوتك ولا موضوعك
لكن الظروف لها احكام ومثل مايقول تمشي الرياح بما لا تشتهي السفن
وانا ذاك الليل اقسم بالله لجاني شي الله اللي يعلم هو ظغط والا سكر والا كدر
اسال الله ان يحمينا واياكم من كل بلا ولايريكم مكروه
اخي الغالي بديع زهران انا موجود ان كان وجودي مايضايق احد وسوف اقدم كل ماهو جديد لهذا الصرح الشامخ واتمنى اكون عند حسن ظن الجميع
واشكر كل من واصل في المحاوره اللي ترفع روسنا وحنا فخورين بكل واحد بهذا المنتدى
والله يوقف الجميع تقبل تحيات وتقدير اخوك الشامان

البدع من الشامان=
*=
يابديع الوفاء زهران خذ علمنا بعد السلام=
يارفيق الجمايل يارشيد المعارف ياسندنا=
ياعريب الاصل والجود خذتاه من جدك وابوك=
انت راع الوفاء والطيب والجاه والرجل المقدر=
وانت قدمت لي دعوه وحنا تشرفنا بها=
اقسم باللي خلق سبع السماوات والسبع الاراضي=
اني ماقصدي اخلف فالماعيد لو واعدتها=
*=
الرد من الشامان=
*=
انطفت جمرت الحراب ف ارض اليمن بعد السلام=
وانا مدري بهذا الهجره اهدد بدربي ياسندنا=
ياقلبي لاتضايق من عرب كل ماحبوك ابوك=
يابن ادم سر في الدنيا ولابي يجيك الا المقدر=
كم جبالاً نزلنا من صدرها وشرفنابها=
وانا والله فيما صار في ذالزمن ماني براضي=
غلطه عدت ولكن احلقو شاربي لوعدتها=

صح لسانك يالشامان وما حصل الا كل خير .. وبديع الله يوفقه في كل اموره

صح لسانك وبديع ممن يقدر الظروف
يعطيك العافيه

الشاعر القدير الشامان والله الي خلق الدنيا والدين اني مقدر واعرف الظروف وادري انك متواجد دائماً وابداً بروحك المرحه وقلبك الكبير وشاعر لك وزنك بين الشعار وانا مثلك وغيرنا كثر من الاخوان تحكم عليهم الظروف والقصايد من سعه الله يسعدك ويوفقك دنيا واخره يالغالي والجايات احلى واحسن اذا ماقدرنا بعض وتفهمنا لظروف بعض فلا خير فينا والله انك تستحق الكسوة على ذي القصيدة والله اني اشوفك مثلك وحده من عيوني يعلم الله ولا يجي في خاطرك شي والا تفكر اني جاء في نفسي شي لا والله الله يسعد قلبك ويحفظك من كل مكروة يالنشمي لاهنت تحياتي لك.