بيت x بيت..( مسابقة شعرية )

ماكنت أصدق .. لين شفت الغدر في وجه السنين=القلب لا دوًر لقاهم.. يطعنونه بالفراق
لو كنت واضح وأختصرت السالفه في كلمتين=بعفيك من رعشة كفوفي.. لا وداع ولا عناق

الهجيــــــــــرووورد

قف بالسلام على قبر ٍ به عشمي ** وانزل بفيكَ وقبّل موضــــع القدم ِ
يا خير خلق الله إن احتصـــوا عددا ** صغرت شمائلهم في بحرك العرِم ِ

ماعاد انا الشخص الذي تخبرونه= يزعل وترضونه متى مابغيتم

لؤلؤة

مرحوم ياللي كل ما حـل طريـاه
تدمع عيونٍ مخلصـا لـه و تبكيـه
ماحدٍ يلوم الشعب يوم اشهر بكـاه
و محدٍ يلوم اللـي تغنـا و يرثيـه
ابو اليتامـا دايـم الخيـر مسعـاه
عون الضعيف اللي زمانـه معنّيـه
سلطان سلطان الفخر مالـه اشبـاه
سلطان خيـر و طيبـاتٍ مباديـه

هذا أنت ؟.. طيب وش الباقي لخلق الله=وانا أعتبرتك مثل واحد من أخواني
دامك غرست الجفا في قلب عبدالله=ما عالج الجرح الاول ..جرحك الثاني

الهجيرووورد

يالهاجس اللي احرمت عيني تهتني حتى المنام = حسبت قلبك لي يلين لكن طبعك معنده
ليش الجفا بيني وبينك لا سلام ولا كلام =حتى الوفاء مابيننا اغتيل لحظة مولده

لؤلؤة زهران

هات قلبي وخذ باقي جروحك
هذي أوراقك وما خطت يمينك
وهذي أشعارك وكذبك في حروفك
هذا عطرك كم سألته أنت وينك
وهذا وردك شوفه ذابل في كفوفك..!

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني

ياما من البعد هلينا عبايرنا
وياما على الوصل كلن كان..شفقاني

أدري نكابر..وعقبه عاد وش صرنا؟
عاجبك كتمانك؟ وعاجبك كتماني؟

ياللي قصيدي عشانه فيك له رنه=عانق علو السما لجله تغنى بك