المبدع/// كرماً وليس امراً

صحت ألسنتكم يا النشاما .. لاهنتم

واصلوا وتقبلوا مروري

المشاركة الأصلية كتبت بواسطة الجوفي

شعار كبار وليس بغريب الابداع من اهله


والله لك وحشه يابو يزيد


تحياتي/ فيصل القرني

هلا وغلا بالغالي والله وانت لك وحشه وين الناس ياخي انا اهيس واديس في ذالمنتديات ولاقد شفت لك حوم

المشاركة الأصلية كتبت بواسطة ابويزيد

حسبك الله ياذالسكووون رديت رد اقعد راسي الله يهولك ياشيخ عزالله انك دندنه صح لسااااااانك الين تقول كان
والشكر موصول لكل من شرفنا بمروره وكرم تعليقه على متصفحنا المتواضع لاهنتم

اصدق الشيعه .. اكذبهم بلفظ الخطاب=
الله يحرمهم الخلفه ونسل البنان=
انه يقدر عليهم خالقي من سماه=
احمد انجاد راس الذل كف اكرماني=
واتهم موسوي في صدق شيعيته=

صح لسانك وبدنك يابو يزيد .. أكرر وأعيد إن جمال الرد مقرون بجمال البدع
لاهنت ويعطيك العافيه والعذر على التأخير ماأنتبهت لبدعك أدخل للصفحه الربعه
أثر البدع في الصفحه الثالثه ...

الرد : الزيادي=
***
الحوادث كثيره والفتن والخطاب=
صحّ ماقلت يالكاتب بروس البنان=
وأنا ماأضيق لأ أوحيت الخبر من سماه=
حتى لو غاضني قولك وكفّك رماني=
شيّ روحي تونّس به وشي عيّته=
***

مهما كان للبدع من جماليات فلا يكتمل ذالك الا بالرد المناسب وانت على قولهم تقطع العرق وتسيح دمه صح لساااانك ياشيخ

جسم فولاذ لو غطت عليه الثياب=
وانا شوفي يحدد موقفه والمكان=
يالي يرسم على جمب الجمل وشم اداه=
شفنا للرعد والبراق وقع ادمكاني=
والشياطين يذهبها وجن سيته=

لاهنت وماعليك زود ... صح لسانك

الرد : الزيادي=
***
جبت لي عاملٌ وأغدق عليه الثياب=
الله ماأكبر مقامه والقدر والمكان=
من كُبر خطوته ماينعرف وش مداه=
أرسله يقضي المطلوب وأقعد مكاني=
غير إقامته في جيبي وجنسيّته=
***

صح لساااااااانك ياخي مدد بلاعدد وجمل الله حالك على كرم استجابتك لدعوتي اعطيتنا من وقتك الشي الكثير والله يبيض وجهك وحقيقه اني كنت المستفيد من هذه المحاوره ومن جزل كلامك الثمين اكرر شكري لشخصك الكريم وكذالك الشكر لكل الاخوان اللي مرو على متصفحنا وساهمو في تشجيعنا بحسن تعليقهم

لوهدمت المحاجي وابن غانم ذياب=
اغتنمنا ذياب الغفله بالجنبخان=
ون طفيتم سراج الحب شي خلق ضاه=
لبن عمي نصح معنا ولاهويماني=
قام يرمي بروحه قد روجيته=

لاهنت يابو يزيد .. وماعليك زود ... وصح لسانك ياخي

وأقبل ردي الملشلش على قول أبوطلال الله يذكره بالخير

شكل معك موضوع وأنا فكّرت لين دخلت في غيبوبه ...

الرد : الزيادي=
***
آبو زيد الهلالي .. وإبن غانم ذياب=
في زمانٌ رفيق الدرب والجنب خان=
ماجرت محكمتهم عند شيخ القضاه=
يُعتبر ضيفهم واحد ولو هو يماني=
أطعموه الجميل .. وقدّروا جيّته=
***

اطعموه الجميل وقدرو جيته


نعم صحت السنتكم وبيض الله وجوهكم لاهنتم