عندك ياالساهرررر

بدع/جارالله الخامس=
الساهر شاعر ولكن مدري من ذراه=
يقل اني قاري الكاس من عهدالجدود=
يشتكي للناس وانا من اللي ينشدون=
يابن الاجواد انت لخبطنا واعثيت فينا=
مدري انته راعي اغنام والا ابواردي=

تراه بواردي ياالخامس وصح لسانك ياالنشمي

موفق بإذن الله ... لك مني أجمل تحية .
ووورد

الله الله

صح لسانك يا جار الله

وبيجيك الساهر بالعلم الوافي

مـدري انتـه راعـي اغـنـام والا ابــواردي
طيب ياشيخ جارالله صح لسانك والساهر بواردي ومايمدها وتخطي...

مشكورين ياهل البواردي ويشرفني مجاراتك ياجار الله الخامس

لاتلخبط ميز الحنطه من حب الذراه=
مايحب المزح والجد من عهد الجدود=
حتى وقت الزير وأهل القصايد ينشدون=
انا باوافيك بأخبارنا وانت تفينا=
واول اخباري ازهراني وجوي ابواردي=

جار الله الخامس ــ الساهر
صحت الالسن وتعافت الابدان واصلو متابعين لاعدمناكم

طيب طيب
متابعين اثار الساهر مجده فيك ياجارالله تقرا الفنجال والساهر طلع من حوالينا واصلوا لاهنتم

بدع/جارالله الخامس=
باقي الايام تجلب خبركم منسماه=
ثم توقع بين بين مخلب نمر عادي وسود=
والله ماودي تظلي لمنهم يضحكون=
لين هذا الوقت في الجد حنا مابدينا=
لو بدينا نرجع العلم فيد الاجودي=

المشاركة الأصلية كتبت بواسطة جار الله الخامس

بدع/جارالله الخامس=
باقي الايام تجلب خبركم منسماه=
ثم توقع بين بين مخلب نمر عادي وسود=
والله ماودي تظلي لمنهم يضحكون=
لين هذا الوقت في الجد حنا مابدينا=
لو بدينا نرجع العلم فيد الاجودي=

معليش على التاخير كنت على سفر

الله اللي نزّل الغيث رحمة من سماه=
مجري الايام واحداثهابيض وسود=
إن يشأ يخسف بذا الكون والا يضح كون=
فإن لولا حكمته مانشوف الماء بدينا=
ولا نسمع راعد الصيف في دالج ودي=