المدثا منه عند ملك الليل

ياملك باعطيك علمن يطوله المدود=
فرق واضح بين ذا الوقت وايام الدواف=
انت غايب عن قصايد بنت وقت الربيع=
شكل جنيتك تخدمك في ايام الدوافي=
يوم صيفك يبني الروح والمدثا منه=

الله ياجارالله ملك له أيام غايب ماعاد يشارك مثل قبل ننتظر رده أحر من الجمر

المشاركة الأصلية كتبت بواسطة جار الله الخامس

ياملك باعطيك علمن يطوله المدود=
فرق واضح بين ذا الوقت وايام الدواف=
انت غايب عن قصايد بنت وقت الربيع=
شكل جنيتك تخدمك في ايام الدوافي=
يوم صيفك يبني الروح والمدثا منه=

طيب طيب ياشيخ جارالله وصح لسانك

يامكيل الحب لاعد تنقص فالمدود=
لو تطفف فالموازين ماجا المد واف=
واهل الميزان ساوو النصيفه بالربيع=
لو بغيت الحب فالسوق خذت المد وافي=
يوم غيري مايحصل من المد ثامنه=

لا هبطنا السوق شفنا الدخن والبر قود=
الجمل سمحان يشتال وينوم العواف=
يقلب الدنيا على القوم ويمرا سريع=
والله اني اعهده يشتال وينوم العوافي=
من زمان الدود ماهو شهر والا سنه=

المشاركة الأصلية كتبت بواسطة جار الله الخامس

لا هبطنا السوق شفنا الدخن والبر قود=
الجمل سمحان يشتال وينوم العواف=
يقلب الدنيا على القوم ويمرا سريع=
والله اني اعهده يشتال وينوم العوافي=
من زمان الدود ماهو شهر والا سنه=

كم سهرنا الليل ماقد ضرينا بالرقود=
غصب ماهو في يدينا وفالنوم العواف=
كني اشوف الخلايق وانا من راس ريع=
ارقد في نومك وريح وفالنوم العوافي=
يوم رب الكون ماجاه نوم ولا سنه=

ههههههههههههههه سرى الليل

انت لك هيبة ملك يوم تتبدا واسود=
ماتشوف الناس تنشد وتتحرى طواف=
والله ماكنك يكون العريفي والمنيع=
ماعلي الا عن الخامس اجفاه الطوافي=
حط له مبدا وزاد اغلقه والهي منه=

المشاركة الأصلية كتبت بواسطة جار الله الخامس

ههههههههههههههه سرى الليل

انت لك هيبة ملك يوم تتبدا واسود=
ماتشوف الناس تنشد وتتحرى طواف=
والله ماكنك يكون العريفي والمنيع=
ماعلي الا عن الخامس اجفاه الطوافي=
حط لها مبدا وزاد اغلقه والهي منه=

شياطينك سرت بك يابقعاء والدوام والبرد اشغلونا ههههه

الله فرق فالخلايق خلق بيضً وسود=
لاتستعجل في طريقك وتتحرى طواف=
ربما فالصمت ساوو العريفي بالمنيع=
دام لي هيبه فاحذرك لاتنوي طوافي=
هيبة الحاكم من السيطره والهيمنه=

يا سلام يا سلام
جارالله
ملك الليل
صحت السنتكم على هذا الابداع الغير مستغرب

طيب طيب خذ هذي وكان

كنت فيما مر حاكم على جسر الحدود=
غير ملَينا من اهل التحايل والخفاف=
صرت واقف بين يانشتري والا نبيع=
يابو احمد مالنا في المحايل والخفافي=
شامخن عن كل الاصناف واتكبر سنه=

المشاركة الأصلية كتبت بواسطة جار الله الخامس

طيب طيب خذ هذي وكان

كنت فيما مر حاكم على جسر الحدود=
غير ملَينا من اهل التحايل والخفاف=
صرت واقف بين يانشتري والا نبيع=
يابو احمد مالنا في المحايل والخفافي=
شامخن عن كل الاصناف واتكبر سنه=

الله يسعدك ياجار الله وانا لي لشرف بهذا اللقاء

ادري انك شيخ ونعم ولك سيفً حدود=
يارزين العقل مانته من الناس الخفاف=
يابحر مايشبهك جدولً والا نبيع=
يوم غيرك مل سمحان في وطي الخفافي=
كنت فارس تركب الخيل واتكب ارسنه=