( محاورة المونديال )( القصائد فقط )

بيض الله وجيهكم على هذا الابداع واصلووووووووووووا ونحن متابعين

المشاركة الأصلية كتبت بواسطة الساهر

بدع الساهر

لاعاد تحذر فمالي في الخطأ والزلال=
ماودنا ياعرب ياجي في القلب خور=
ولانبي اللي يسّوق للتهم والظلام=
الفكره لامن بدا لي طولها والقصر=
اشوفهاعايدي منشب.. بكبريتها=

ألف شكر لكل من مرّ وعلّق ولاهنتم....
ولاهنت أخي الساهر وجودك وسام على صدري
/

** الرد**=
***
الخاطر اللي خطر يلمح لماي(ن) زلال=
أسقيته الماء .. وقدّمت العطر والبخور=
وقلت خلّك تبايت ..كُبّ مسرا الظلام=
وأعطيته العُشّه اللي عند باب القصر=
وأحرق صليب الخشب من شبّ كبريتها=
****

**البدع**=
***
الصوره اللي على متن الصحف والمجال=
آربّهم سكّنوها فالبلد بيت دور=
بعد الحِلق والخواتم والكحل والخزام=
لاتحسب إنّي مريض ورايح(ن) في خبر=
وإلا معذّب وطايح من تلافيتها=
***

المشاركة الأصلية كتبت بواسطة المبدع.

**البدع**=
***
الصوره اللي على متن الصحف والمجال=
آربّهم سكّنوها فالبلد بيت دور=
بعد الحِلق والخواتم والكحل والخزام=
لاتحسب إنّي مريض ورايح(ن) في خبر=
وإلا معذّب وطايح من تلافيتها=
***

طيب طيب صح لسانك

مادمت موجود يالمبدع بهذا المجال=
العجلة للتطور ماتقف بيتدور=
وشعرك ارق من عطرالنفل والخزام=
وشهرتك لو تلاقي معجبه في الخبر=
لاتندهش يالزيادي من تلافيتها=

بدع الساهر

يالله لطلابنا حقق عظيم المنال=
اللي كبر في العمر واللي بعمر الزهور=
الاختبارات شدت والعلام العلام=
والعلم قالوا كما نقش الحجر في الصغر=
شبنا وياكم دروس ماتعلمتها=

الليل الليل ....... صح لسانك وعلا شانك

**الرد**=
***
المعجبه في الخبر ..تغريد والا منال؟=
يالله لا أخفضت راسي في ظلال الزهور=
والجيش لاتهزمه .. والا تطيح العلام=
ماني من أهل المذلّه والرّدى والصغر=
ولابقي لي علامه ماتعلّمتها=
****

**البدع**
***
رميت لي سبعة الديمن على بنط لال=
وأخلفت لعب الورق والمعتقد والسّيور=
ماحدّني جوع يالساهر ولا خذ طعام=
لو كان قلبي على شرك(ن) ويربع كفر=
كمّ من وجوه(ن) بلطّام الكف أحزيتها=
*****

السيور= العاده السايره

المشاركة الأصلية كتبت بواسطة المبدع.

**البدع**
***
رميت لي سبعة الديمن على بنط لال=
وأخلفت لعب الورق والمعتقد والسّيور=
ماحدّني جوع يالساهر ولا خذ طعام=
لو كان قلبي على شرك(ن) ويربع كفر=
كمّ من وجوه(ن) بلطّام الكف أحزيتها=
*****

السيور= العاده السايره

إذا معك طايره في الحوش يابن طلال=
وعندك اربع مخازن للكفر والسيور=
وقبل ماياجي الفيروس ماخذ طعام=
البعض ماعنده إلا موتر اربع كفر=
وكلما وضبوها ينكفح زيتها=

البعض ماعنده إلا موتر اربـع كفـر

وكلمـا وضبوهـا ينكفـح زيتـهـا



هههههههههههههههه ههههههههههه

صح لسانك وعساني ماأعدمك

خف الله يامسلم ههههههههههه

بدع الساهر

من الجنوب استمع للشعر ومن الشمال=
وشعرنا ياتميز بالزمل والشقور=
ورؤيته واضحة لاشك تجلي العتام=
وشعرنا العاطفي لوكان قلبك حجر=
مهما تداري دموع العين فجرتها=