محاوره نبطيه(تحدي)

هذه محاوره نبطيه ومع احترامي للجميع هي لمن
يجد في نفسه القدره على المجاراه وهي تحدي
ويسمح بدخول الجماهير لتعليق والتصفيق فقط

الا بسم الله الرحمن نبدا والله الوالي=على اسمه نبدي الاعلام بااولها وتاليها
وهذه دعوة(ن)عامه ومن يقوى تهيا لي=ونبدع في فنون الشعر وابياته نعليها

الاخ علي هل تريد تكمله او رد لم توضح

ياباعاشن هذه بيتين نبطيه ولاتحتاج تكمله اللي يجي بعدي
من الشعار يكتب بيتين وعلى نفس القافيه ونستمر عليها

تفظل يا سبيه
وابشر بي
خلنا نشوف من يقدر
وهنا ترى يقاس الشاعر
لانه شعر وموهبه
ورني اشوف

سمعت ان السبيه يدعي الشعارباالعالي=بفن القافيه والقاف يتحدى قوافيها
وانا اظن الوحيد الي جنون الشعر يهداءلي=وشعار البلد يا ابن السبيه من يناديها

سلام الله سلام مثل عدان الذهب غالي = لمن يبني بيوت الشعر ويروض معانيها
بيوت الشعر ماهي لعبة بيدين الاطفالي = ومن لا يفهم ابيات القصايد لا يجاريها

صحت السنتكم ياشعار مبدعين طالت الاعمار

مشكور على مرورك الطيب ياابواحمد وعلى كل جهد تقوم به في المنتدى
وجياالله شعارنا الكرام الهمس وقلب واحساس والضاهر ان الشفوف استوت

هلا يامرحبا مالاح برق وناويه سالي=هلا بااللي غذا معروف بين الناس طاريها

عديم الذوق مايفرق مابين المر والحالي=ولايدري عن الاسواق زاهدها وغاليها

بارك الله فيكم واصلوا الابداع

اشوف الشيب في راسك ويرقل ضرسك البالي=سرقك العمر يا شايب كفاك الله تواليها
صغير السن واتفنن وكني قاعد الحالي=قطيع الجلب من عندي مسارحها او مضاويها

توكلنا على الله هاتــــــــــــــها ياطيب الفالي= وخذها من شجيع لا يخــاف ولا يغبيها
صليب الراس راعي باس بيته في الخلا الخالي= يدوس على المرار ويقطف الوردة ويهديها