الشاعر/ سلطان الباجري الزهراني & الشاعر/ محمد بن شعتور المالكي

بسم الله الرحمن الرحيم

السلام عليكم ورحمة الله وبركاته

البـــــــدع : بن شعتور

التحيه للذي باشــــــــــرونا بالســـلام
غلفوها لي بـ جيره واخــــوّه واحترام
من بني مالك لصبيان زهران اجمعين
اعتبرني يابن زهران من زهران واحد
وآنا باعتبرك ياسلطان مـــــــّنا مالكي

الــــــرد : الباجري

مــرحبا في مرحبا والكرم للنــــــــــاس لام
ماعــلى وجهي محاقر وضيقـه واحتـــــرام
طــالما ان البرق والرعد جا من نجم عــين
سيفي امضى لك من المرهف الزهران واحد
تعرفـــــــون الفرق بين المَلك والمــــالكــي

البــــــدع : بن شعتور

حي شاعر يلحي اللحم من فوق العظــــــام
مثل حد السيف ماهو كــــــلام في كـــــــلام
اشهد انه شاعر(ن) يحبك القول السمـــين
يفهم المعنى ويمشي على مــنهاج واحـــد
ويجيد الشور والشور عنــــــــده يرتــــكي

الـــــرد : الباجري

العظيم الله قدرته من فوق العظـــــــام
لو تلوم الناس جاء منك لام وفيك لام
من يرد الشور مابيننا ياناس ميــــــن
الجبال الراسيه لو يجي منها جواحـــد
كان طفــــــيت اللهب قبل ماوريت كي

البـــدع : بن شعتور

ياسلطان الباجري لاتضــــــام ولا نضام
انت شاعر عبقري قلّب السلعه وســــام
انت لاتحسبني عاشق طنون بدون عين
اجبروني غصب الحّن مع الشعّار وانشد
والاّ انا مليّت كثر القصايد والغـــــــــني

الــــرد : الباجري

يامحمد لو مشينا على حسب النظــــــــام
كان بتعلق على صدر ابو خالد وســـــــام
البحر يصفق ولا تحسبوه بدون عــــــــين
بالله يابن الناس سير في ارض الله وانشد
ابتحصــــــل فايده للفــــقيــــر وللــــــغني

صحة السنتكما والله كلام يجبر بالخاطر عندي ملاحظه بسيطه يابن شعتور انت كررت واحد في القارعه
كلام شعار كبار تقبلوا مروري من هنا

اقتباس : المشاركة الأصلية كتبت بواسطة فهد قزعه [ مشاهدة المشاركة ]

صحة السنتكما والله كلام يجبر بالخاطر عندي ملاحظه بسيطه يابن شعتور انت كررت واحد في القارعه كلام شعار كبار تقبلوا مروري من هنا

صح بدنك يالغالي ..
وما انا الا تلميذ في مدرسة (فهد قزعه و سلطان الباجري) .. عاد الباجري شاعركم وتعرفونه..
بالنسبه للتكرار عادي لانه مركب على شقر كامل (منهاج واحد)..
اشكر لك مروك يالغالي ..

صح لسانك ياشعتور كلامك في شقر واحد في محله يمكن فهد مو مركز في الشقر والمعنى بس ملاخظتي في البيت الاخير من بدع القارعه ماعنى معي . وباقي القارعه ماهليها غبار تقبل مروري وتحياتي

اقتباس : المشاركة الأصلية كتبت بواسطة حي النسيم [ مشاهدة المشاركة ]

صح لسانك ياشعتور كلامك في شقر واحد في محله يمكن فهد مو مركز في الشقر والمعنى بس ملاخظتي في البيت الاخير من بدع القارعه ماعنى معي . وباقي القارعه ماهليها غبار تقبل مروري وتحياتي

صح بدنك .. شهاده اعتز فيها من شاعر كبير بحجمك..

بالنسبه للبيت الاخير في البدع.. يغني بس حاول معاه شوي ..شدد كلمة :والاّ
ويغني معاك ان شاء الله..
اشكر لك مرورك ..ودمت بود..

بن شعتور
سلطان البا جري
صحت الاللسن وتعا فت الابدان

اقتباس : المشاركة الأصلية كتبت بواسطة شايب العشرين [ مشاهدة المشاركة ]

بن شعتور سلطان البا جري صحت الاللسن وتعا فت الابدان

صح بدنك ..تسلم يالغالي..
وبيض الله وجهك..

محمد بن شعتور
حي النسيم
اشكركم على الثقه بس انا برضي مصر واحد تكررت في البدوع لو جايت في الرد ممكن مقبوله اتمنى عرضها على كل من الاستاذ
علي السبيه
وابن الجنوب
وشايب العشرين
وشاعر بالمفضل
ونديم القوافي
اذا شهادة واحد ماتكفيكم واذا انا غلطان فودي استفيد منكم جميع

اقتباس : المشاركة الأصلية كتبت بواسطة فهد قزعه [ مشاهدة المشاركة ]

محمد بن شعتور حي النسيم اشكركم على الثقه بس انا برضي مصر واحد تكررت في البدوع لو جايت في الرد ممكن مقبوله اتمنى عرضها على كل من الاستاذ علي السبيه وابن الجنوب وشايب العشرين وشاعر بالمفضل ونديم القوافي اذا شهادة واحد ماتكفيكم واذا انا غلطان فودي استفيد منكم جميع

انت يافهد استاذ الجميع لله يحفظك..
والاخوان :
علي السبيه ، وابن الجنوب ، وشايب العشرين ، وشاعر بالمفضل،
ونديم القوافي
اساتذتنا الله يحفظهم..وينمي فيهم..
الحقيقه سبق لي ان تناقشت مع الشاعر عيظه بن طوير.. في نفس النقطه..وذلك باحدى الحفلات ..اعتقد بقصر البراق او قصر الشعلان بالطايف ما اذكر الحقيقه..
وكان هو اللي يبدع وانا اللي ارد..
فقد بدع ابو منير بنفس الطريقه .فقلت له -بيني وبينه طبعاً- حتى محمد حوقان ماسمعنا ههههه..
قلت تكررت يابو منير..فقال لا عادي ..
هناك حالتين للتكرار ..
(1) اذا الشاعر اللي يبدع كرر ولكنه قام بتركيب شقر (جديد ومختلف معناه عن بدعه الاول بالنسبه للرد) فهذا يجوز لشاعر البدع شريطة انها ما تكون قارعة تحدي..(عاد شكله كان يصرفني في هذي..هههه)
(2) اذا كرر شاعر البدع بدون استحداث شقر جديد ..يعني نفس
(المعنى في الرد)(ضيّع ؛ نسي).. هنا يكون الشاعر وطي القارعه وعادة ماتكون بعد بدعات كثيييييره..
وللامانه سبق لي ايضاً ان تناقشت بنفس النقطه في مدينة جده مع الشاعر القدير علي الدوسي والشاعر الخلوق يوسف الدويحي.. الله يذكرهم بالخير جميعا.. وكانت النتيجه نفس الكلام..

هذا للافاده والله اعلم...

صحّت الألسن وتعافت الأبدان ...