حبيبتي

حبيبتي كنت احسب الحب محدود=لقيت حبك قد تعدى حدوده
كنت احسب ان الحب بالعد معدود=وانه ليالي ساليه وامعدوده
ضحكت لما قالوا ان قيس مهدود=من حب ليلى بالقفاري هدوده
والاكثيّر يوم خلا هل الجود=عشان عزه يوم حبه يقوده
قلت القصص هذي خيالات واورود=افكار كاتب في خياله وروده
ماكنت اظن ان الوفا شي معهود=والحب ما كنت اعترف في عهوده
لكن من يوم التقيتك وانا ازود=شبوب حبك في فؤادي وقوده
احس في قلبي الا غبتي ارعود=لا قرب الموعد تزايد رعوده
قمت اترك العالم ولاودي اعود=للي عيونك ما تمنى تعوده
اشتاق لك والكف للكف ممدود =كن المسافه بين الأيدي تزوده
انساك وانسى اني تناسيت واعود=اذكرك وابلقبي غرامٍ يسوده
حبك خيال او خافقي معك مشدود=باسمك صرخ قلبي وهو في صعوده
بعدك عرفت ان الوفا صدق موجود=وان الهوى والحب يعلن وجوده
والله لولا الله واخاف منقود=واخاف من نار الجحيم الوقوده
لا اقول بان الحب عابد ومعبود=وكل عابد يبتهل في سجوده

تشكر على هذه القصيده الرائعه والابداع المتواصل

صح لسانك ملايين يافارس الشعر

صح لسانك قصيدة رائعة بروعة الهمس