%%% (( صقــــــــــر الجنـــــــــــوب )) %%%

سلام الله على صقر الجنوب (الحُرّ والشيهان)=
سلام أحلى من الورد وشذاه ورونق إزهوره=
سلام أطيب من الكادي وخوط البرك والريحان=
إلى من هَبّه الغربي مع صُبْح أنبلج نوره=
عقيد الشور..وافي..زايد(ن) قَدْره..رفيع الشّان=
على إسمه صقر..وإنّ الصقر فيه أوصاف مخبوره=
إلى من هَدّ مخلابه وطار وفرّد الجنحان=
تموت أم الحباري في فجوج الأرض مذعوره=
ومن سلّم على عبدالله..يسلّم على سلطان=
سلام الله على مشهور..وإنّ الرّشْد من شوره=
مدير المنتدى ..صادق ..خلوق ومن طوال أيمان=
بصولاته وجولاته..حنايا الصرح معموره=
كريم..وشهم..متغاضي يجازي السيئه بإحسان=
وسيع البال..مهما تكبر الزلاّت (مغفوره)=
لذلك كلّما شقّر على موضوع بن عجلان=
عَذَرْ وضحى..ووضحى بالشرف والعِزّ مشهوره=
وكلمة (ياعيون الرّيم)والا (ياغصين ألبان)=
أبد..ماهزّت المنهج بقانونه ودستوره=
حباهم بالعفو والمغفره والشكر والعرفان=
ومهما قيل .. تبقى راية التوحيد منصوره=
وأنا جيته مهاجر مالجحيم لجنّة الرضوان=
على مركب مطيّه بالأدب والشعر مذكوره=
أبد لاتجذبون الحبْل ماناخت بباب إنسان=
دَعُوها ناقة الهجره تحثّ السير مأموره=
أنا من عالم(ن) ثاني..أنا صفحه بلا عنوان=
أنا واحد غريب وفي مدينه شبه مهجوره=
أنا مولود قبل ألفين عام ..وجيت أعيش الآن=
أنا تاريخ حافل..كاتبه طفل(ن) بطبشوره=
لإنّي كنت متميّز تجرّعت العذاب ألوان=
لإني صادق النيّه لقيت الصدق فزّوره=
لساني من ذهب غطّى عليه اللول والمرجان=
وفي داخل قُفَصْ صدري قزازة عِطْر مكسوره=
لوَ أجلس في ضواحي شاطيء الراحه مع غسّان=
نَقلت أحداث الأقصى للعرب بالصوت والصوره=
وإذا البيرق يبي له شاعر(ن) في قبضته ثعبان=
يحاول يلفت الأنظار في بيتين مسحوره=
فأنا في قبضة إيْديّه عصا موسى ولد عمران=
شجاع أقرع..على مايأفِكون..وكاشف العوره=
تراني لوبغيت أعرف مدى نبض الجمل سمحان=
أطوّل في حباله ..ثمّ أحطّ إيدي على زوره=
ولكن حظي العاثر في أجمل صورته (غلبان)=
قرأ فوق أربعين آيه ولا يدري وش السّوره=
كما حظ العريس اللي صُبر ماكان بالإمكان=
عن أسباب الحرام..وصفحته بيضاء وبلّوره=
وفي ليلة فرح عُمْره علىَ آخِرْ رَمَقْ نشوان=
تقول:إشارتي حمراء..ويعذرها..ومعذوره=
وفي سابع لياليها..وبعد الصبر والسّلوان=
سِمَع منها (عبارة بنت سكرانه ومخموره)=
على سمّاعة الهاتف تقول :أرجوك ياعدنان=
تدوّر لي عُذُرْ ثاني..تَعبْت أقلّه الدوره=
ومن حظّي..وزلزال القصيد..وثورة البركان=
كتبت الشعر ..يمكن لو كتبته تركد الثوره=
وربّي لا ولد شمّر ..ولاني للغزل ولهان=
ولاجيت أسأل العالم..ولا أدوّر على نوره=
و فالآخر ترانا راحلين و(من عليها فان)=
ويبقى كل شي مكتوب..للأجيال مأثوره=
عزاي إنّ أصغر أبنائي بصدره حافظ القرآن=
وشاعر مثل أبوه ..وعنده الأطفال مقهوره=
مصيره يوم مالأيّام يكتب للعرب ديوان=
على مرأى ومسمع من محبّينه وجمهوره=
ومن يسْمعه قال الشاعر المرموق ولْد إفلان=
وهذا الشبل من ذاك الأسد والمبدع إسطوره=
وأنا ماأبغى منه..من بعد موتي شيّ ماللي كان=
كفايه لو دعَى لي دعوتين ..إيْديه مشكوره=
بَعَدْ هذا الخَبر ياصَقْر والتوضيح والفرقان=
بشوفك ماندمت ولا دخلت أقسام محظوره=
أنا أقدّر رباع الصعب ..وأغليك إنت والأخوان=
عسى دولة رباع الصعب بالهتّان ممطوره=
تعالوا وأسمعوا ياعاشقين الشعر بالإلحان=
قصيدة شخص متواضع ..وفيها أبيات مغروره=
*******

الله الله

صح لسانك ملايين يا المبدع

ووالسبعة انعام فيك وفي من ذكرت

تمنياتي لك بالتوفيق

الله الله الله

صح لسانك يالمبدع
ياخي لو القيت هذاه القصيده على غسان اتحداه يقول اكثر من (صح لسانك وفالك البيرق)

ابدعت ومدحت من يستاهل المدح فنعم المادح والممدوح

بس اختلف معاك في اللي وصفته (جهنم)
كلنا هاجرنا من هناك لاكن ماننسى فضل ذاك المكان
بعدين لاتنسى اصحابك اللي هناك بعضهم سافرت الخبر على شانه
ههههههههههههه دعابه

واتفق معك في وصفك (جنة الرضوان) صحيح والله مالقينا هنا الا كل خير
ارفع عقالي اجلالاً لشخصك الكريم

تقبل مودتي وتقديري واعجابي

المشاركة الأصلية كتبت بواسطة الحُطيئه

الله الله الله

صح لسانك يالمبدع
ياخي لو القيت هذاه القصيده على غسان اتحداه يقول اكثر من (صح لسانك وفالك البيرق)

صح بدنك ولا هنت على الإطراء

ابدعت ومدحت من يستاهل المدح فنعم المادح والممدوح

بس اختلف معاك في اللي وصفته (جهنم)
كلنا هاجرنا من هناك لاكن ماننسى فضل ذاك المكان
بعدين لاتنسى اصحابك اللي هناك بعضهم سافرت الخبر على شانه
ههههههههههههه دعابه

لاتعليق أكتفي بما ذكرت الله يغليك

واتفق معك في وصفك (جنة الرضوان) صحيح والله مالقينا هنا الا كل خير
ارفع عقالي اجلالاً لشخصك الكريم

تقبل مودتي وتقديري واعجابي

وأرفع عقالي لمرورك العذب ، كل الشكر .. تقديري وإحترامي

المشاركة الأصلية كتبت بواسطة متعب الدوسي

الله الله

صح لسانك ملايين يا المبدع

ووالسبعة انعام فيك وفي من ذكرت

تمنياتي لك بالتوفيق

صح بدنك ملاييييين ، والنعم بحالك

والله يوفق الجميع ... إحترامي وتقديري

الصمت في حرم الجمال جمال وصح لسانك ياالمبدع من ذلحين لين تقوم القيامه
والف ونعم بك وبصقر الجنوب ومشهور وبكل رباع الصعب

المشاركة الأصلية كتبت بواسطة علي السبيَه

الصمت في حرم الجمال جمال وصح لسانك ياالمبدع من ذلحين لين تقوم القيامه
والف ونعم بك وبصقر الجنوب ومشهور وبكل رباع الصعب

صح بدنك ولاهنت ، والنعم بحالك

ألف شكر ....... تقديري وإحترامي

سجل اعجابي بهذه الفرائد الفذه (( علشان انك مدحت رباع )) هههههههههههه

صح لسانك يالمبدع والله انك شاعر متمكن وكل بيت احسن من الثاني اهنيك على هذي الغزاره الشعريه تقبل مروري واحترامي لشخصك الكريم اللذي اكرمنا بهذه الفرائد

المشاركة الأصلية كتبت بواسطة فهد قزعه

سجل اعجابي بهذه الفرائد الفذه (( علشان انك مدحت رباع )) هههههههههههه

صح لسانك يالمبدع والله انك شاعر متمكن وكل بيت احسن من الثاني اهنيك على هذي الغزاره الشعريه تقبل مروري واحترامي لشخصك الكريم اللذي اكرمنا بهذه الفرائد

صح بدنك وماعليك زود ... أحلى مرور وألف شكر

وأنتم يارباع الصعب تستاهلون المدح... تقديري وإحترامي

يعجز اللسان عن شكر شاعرنا الكبير محمد الزيادي ( المبدع ) والذي أهداني وأهدى أخي مشهور وأبناء رباع ومتذوقي الشعر هذه المعلقة ..
فونعم بك يامحمد وصح لسانك وبدنك الين تقوم القيامه وبيض الله وجهك يانسل الاجواد على هذه الهدية التي لن ننساها ماحيينا ستبقى تاج على روسنا ووسام غالي على صدورنا .
وأنت كفو والكفو تسعد به قبائل ويشهد الله اننا لسعدنا بك وبرجولتك وموهبتك ومدحك وقصيدك وتشريفك وتواجدك بيننا فامثالك يزيدوننا شرف .