%%% (( هيت لك )) %%%

من سنه والا سنه..يعني زمن جدا" قريب=
طحت في حبك.. وكنّي طايحٍ من كم سنه=
وإنت صدّقت الكلام.. وضحكة الشعر الأديب=
مابقى لك في لِبان الأدهم.. الا شيطنه=
كنت أنا يوسف..وفي بيت العزيز أتقى غريب=
تقفل أبوابك وكلمة (هيت لك) ماتفتنه=
حيلة إخواني..وظلمة بير..ومخاليب ذيب=
وإنت سبع إسنين ودّك تعتقله وتسجنه=
قاطعات الكُفّ منّي.. فعلهم ماهو عجيب=
عين شافتني..وجاها النوم..تصبح مُدمنه=
سالفة:تمشي على إستحياء ربّاها شُعيب=
والهواء يرفع طرف ثوب الفتاه المُحصنه=
إنتهت من كوكب الشرق..وزمان العندليب=
الحياء في وقتنا ضاقت عليه الأمكنه=
سمّها باللي تسمّيها..ردى حظ ونصيب=
والا قول إبليس..وأنا أقلّك الله يلعنه=
خَلّنا نرجع على موضوعنا ياأغلى حبيب=
كم قلبت الشعر في حبك عناق وحنحنه=
لو على جرحي:مصير الجرح يلقى له طبيب=
لو على دمعي:بسيطه ذي عيوني تحظنه=
لو على وقتي:مصير الوقت يالغالي يطيب=
لو على وضعي معك:ضحك وسوالف وجهنه=
بسّ تدري ويش يزعج راحة الفكر اللبيب=
حالتك تستعطف أصحاب اليدين المُحسنه=
وجهك اللي ضاع..مدري كيف ماودّه يغيب؟=
في تقاسيمه قلق واضح وقِصّه مُحزنه=
كنت منّي في موازين الجليله من كليب=
كان مايحتاج حبي لك دليل وبرهنه=
الهوى شرقي..وخَلْفات البدو فيها حليب=
أعزفوا نغمة سهيل وسمّعوني دندنه=
******

الله...الله مبدع في كل ما تطرح اخي الكريم..
دمت بخيرررررر

المشاركة الأصلية كتبت بواسطة مشاعر...شاعر

الله...الله مبدع في كل ما تطرح اخي الكريم..
دمت بخيرررررر

الإبداع مرورك ..... ألف شكر ياغالي

ودمت بخيررررررررررررررر

مبدع من جد صح لسانك
مع أني مالي في الشعر كثير لكن بصراحه
(معاني جميله)

المشاركة الأصلية كتبت بواسطة الرميصاء

مبدع من جد صح لسانك
مع أني مالي في الشعر كثير لكن بصراحه
(معاني جميله)

الإبداع مرورك .... صح بدنك

ألف شكر مشرفتنا الغاليه

يا المبدع وين الاعلام عنك يا شاعر الابداع
نص يفوح بالجماليه والشيطنه
صح لسانك مدد بلا عدد

المشاركة الأصلية كتبت بواسطة شاعر بالمفضل

يا المبدع وين الاعلام عنك يا شاعر الابداع
نص يفوح بالجماليه والشيطنه
صح لسانك مدد بلا عدد

صح بدنك ياغالي ....... لاهنت على المرور والإطراء

وجودكم على متصفحي إعلام بحد ذاته ....... ألف شكر

صـح لسـانكـ شــاعرنــــا الرائع محمد (المبدع)....

قـصـيـدة رائعـة أعجبتـنـي كثـيــراً ..

وجعلتـنـي بشـوق لمصـافحـة جـديـدكـ ..

لاتحـرمنا روعـة قصـيـدكـ ..

المشاركة الأصلية كتبت بواسطة عاشق المها

صـح لسـانكـ شــاعرنــــا الرائع محمد (المبدع)....

قـصـيـدة رائعـة أعجبتـنـي كثـيــراً ..

وجعلتـنـي بشـوق لمصـافحـة جـديـدكـ ..

لاتحـرمنا روعـة قصـيـدكـ ..

صح بدنكـ ولاعدمت تواجدكـ ياغالي

ألف شكر ...... ولاهنت

هذا احتراف شعر يفوق الابداع
صح لسانك ملاييييييين يالمبدع