ودي بردك ياسعيد ســــــــــــــــــــــــــــــالم

بدع/جارالله الخامس=
يقول جارالله يدي ماتطرف لناهيب=
ولا تسباق على درب المتاعب وتاريخ=
افعالها باينه للناس من جد لاجد=
ادور الكلمه اللي سوقها ممنانا=
مالي بكلمة عليها زيف وامجادحيه=

صح لسانك يا جارالله عدد ما بيني وبينك - على اعتبار اني في القطب الشمالي وانت في القطب الجنوبي - جبرت بخاطري الله يجبر بخاطرك لي ثلاث سنوات في منتدى رباع ولا احد قد وجه لي بدع الا انت . عساني ما اعدمك

تقبل ردي المتواضع على قصيدتك الفارهة مع اجمل تحياتي ومودتي

بدع/جـــــــــــــارالله الخامس =
*
يقول جارالله يدي ماتطرف لناهيب=ولا تسباق على درب المتاعب وتاريخ
افعالها باينه للناس من جد لاجد=ادور الكلمه اللي سوقها ممنانا
مالي بكلمة عليها زيف وامجادحيه =
*
الرد / سعيد بن سالــــــــم =
*
انحن زهارين في يوم الوغى ما بنـى هيب=سيوفنا سطرت في كل ميدان تاريـــخ
من مثلنا يستمد المجد من جد الى جد =يجاوب الفخر عني لو تسل ممن آنا ؟
هذا من اللي لهم تاريخ وأمجاد حيــــه !=

ياسلام ياسلام

ونحن نقول
وانتم من اللي لهم تاريخ وامجاد حية



جارالله وسعيد اسعدتمونا بهذا البدع والرد الراقي

صح لسانك ياسعيدعلى هذا الرد الخيالي موفق وابشر بنا من اليوم مانخليك ابدا لانك اعجبتني في قصيدة الهدا فحبيت اتهرج معك شوي والايام بيننا يالنشمي

المشاركة الأصلية كتبت بواسطة جار الله الخامس

صح لسانك ياسعيدعلى هذا الرد الخيالي موفق وابشر بنا من اليوم مانخليك ابدا لانك اعجبتني في قصيدة الهدا فحبيت اتهرج معك شوي والايام بيننا يالنشمي

لا هنت يا ذيبان والحقيقة ان التقصير مني في عدم التواجد المستمر في منتدى رباع لاجراء المحاورات ولكن ان شاء الله نتواصل معكم على خير وعلى المحبة نلتقي .

تقبل اجمل تحياتي ومودي

الخامس
سعيد بن سالم

صحت السنتكم وابدانكم ملايين ياالنشاما