%%%% بن هندي لو سمحت شرفني هنا %%%%%%

ابو ماجد بن هندي لو سمحت شرفني برد على هذا البيتين الملجغه
واستر عليها بردك الله لايهينك ان جازت لك والا حدحدبها من اعلى قمه

البدع من ابو رائد=
*=
ختم الوزاره على الدفتر الى ختم ايعاد=
وانا امترالكون واطوف الفضاء وشبي ارضيه=
من حيث ماتغدي الاقدام ون شبت اروح=
والشيب صوب البحر وان زاد فاض احني الشيب=
ماحد يقيس البحر والناس ميقدرونه=

صح لسانك يالشامان على هذا البدع الرايع ومن شاعر رايع
ونتظر من ابو ماجد ان يبدعنا بابداعاته المعروفه عنه

صح بدنك يابو احمد يالمجاهد مرورك يشرفنا طال عمرك

حياك الله أنت وقصايدك اللي تشافي العليل والله يقدرني على الرد المجمل:

رد بن هندي=
من قبل كنت أنيسط وأرتاح إلى خذت ميعاد=
وأقول للنّفس مدري صاحبي وش بيرضيه=
واليوم قلبي تعب مالعشق وأنشبت الروح=
والعود ياسيدي ناحل وفاضحني الشّيب=
حليل بن هندي أهل الحب مايقدّرونه=

صح لسانك يابو ماجد يا استاذ الشعر ومنهله رديت رد يجمل ويكمل لاهنت

البدع من ابو رائد=
*=
انحن بوادي نقول العلم والناس في واد=
واللي نوى بي يشيد بعلمنا وشيداويه=
ياموتري بعد شغل الهندسه فيه مصلوح=
وانحن ب نلعب مع غشمان ماتعرف العيب=
شي مايبونه في الدنيا وياشي يبونه=

الله الله

صحت السنتكم ياشعار

تقديري

صحت السنتكم ،،، شعراء رباع

لاخلا ولاعدم

سلمت وصح لسانك يالغالي
حيا الله من مر على متصفحنا وعساكم على القوه

رد بن هندي=
ياشين ماظن لك صالح بدرب التفيواد=
اللي مريضُ ترى مابنتشد وش يداويه=
طردك ورى شي فايت مامعك فيه مصلوح=
أما إذا كنت متجرّد ولا تعرف العيب=
فأبشر بمن يتعبون الراس ويشيّبونه=

صح لسانك يابو ماجد على ردك الاروع والله لاسعدت بهذا المحاوره معك
يالغالي ابو ماجد العذر والسموحه هذا البدع الاخير حيث لي طل في جهه ثانيه
اجوك تعذرني وان شاء الله لنا لقا قريب ولانحن بعيدين عن بعض

البدع من ابو رائد=
*=
بانسق العلم لك واللي بينساق ينقاد=
كني في اسفل شدا واللي بحظرة معاليه=
من عاش عمره بوسط الديره مايعرف البوح=
ترا الذي يصنع الغيبه لنا يعلم الغيب=
والسن لوبين ظرس وناب ميقلعونه=

الغيب هيه الغيبه نفسها
وينساق التنسيق والنقد

يعطيك الف عافيه تشرفت بمجاراتك والرد عليك صح لسانك ولنا لقاء والعذر على القصور

اشكر من مر على مشاركاتنا والله يرفع قدركم

رد بن هندي=
إثنينها واحده واللي بينساق ينقاد!!=
تمشي على ذا وذا لوكان حضرة معاليه=
ضعيّف النفس مايفصح ومايعرف البوح=
الأمر لله رب الكون هو يعلم الغيب=
والعون بيده ومهما صار مايقلّ عونه=