الشامان ابدليه و آشوف

البدع:شايب العشرين=

يالشيخ ابو رايد اترك هرجة الليلفات=
ماودي ارميك زادآ منقطع للذياب=
اراك شاعر وقلبك للقصايد ولوف=
قدام تلحق ولد منصور زعمه ولوم=
غسلت كفي من اصحابي وصوبنتها=

المشاركة الأصلية كتبت بواسطة شايب العشرين

البدع:شايب العشرين=

يالشيخ ابو رايد اترك هرجة الليلفات=
ماودي ارميك زادآ منقطع للذياب=
اراك شاعر وقلبك للقصايد ولوف=
قدام تلحق ولد منصور زعمه ولوم=
غسلت كفي من اصحابي وصوبنتها=

صح لسانك ياشايبنا الغالي واتشرف بالمحاوره يالغالي

الرد من ابو رائد=
*=
قدام يبدي بزوغ الفجر والليل فات=
ويصبح الصخر من جمر اللضاء للذياب=
مانحسب افي الخساير من مياتاً ولوف=
لوكان عندي كنوز الارض والملك لوم=
راع الخطا لويجي من كل صوب انتها=

الله الله ... صحت الألسنه ياحبانيه

يعطيكم العافيه ...

البدع:شايب العشرين=

جنبنا عن هروج الفتنه واليلجات=
ماودي احداك في درب النشب والعذاب=
بعدين ماينفعك كثر الندم والحسوف=
ابويزن يبدع امثاله بشد العزوم=
والناس قبلك وبعدك كم تقودتها=

صح بدنك يالمبدع واشكرك على المرور من هنا

المبدع مرور ازكى من العطر يالغالي
ونتشرف بحضورك

المشاركة الأصلية كتبت بواسطة شايب العشرين

البدع:شايب العشرين=

جنب بنا عن هروج الفتنه واليلجات=
ماودي احداك في درب النشب والعذاب=
بعدين ماينفعك كثر الندم والحسوف=
ابويزن يبدع امثاله بشد العزوم=
والناس قبلك وبعدك كم تقودتها=

الرد من ابو رائد=
*=
لك شهر غايب عن الامثال والليل جات=
والليله بسقيك مالصافي وماي العذاب=
اوف الذي قام حظه هو يالمنحس اوف=
لاتعتذر للذي بي يكرمك بالعزوم=
لقمه بتكفيك مده لو تقوتها=

طيب ياشيخ طيب=

البدع:شايب العشرين=

ياذا الكناني ارض ربي برح وساعيات=
لاعد تضيق علينا بالدجل والكذاب=
مد النظر في وساع الارض والمح وشوف=
ماني مكلف بقلبآ ضايقته الهموم=
ما دام روحك عزيزه ليش فيتنتها=

ههههههههههه ايوه يا شايب العشرين اعطه بالقايش هههههههههه

ابو يزن
ابو رائد

صحت السنتكم وشايب العشرين يخّوف هههههههههه ما انسى يوم بديت معه قارعه وزود ابياتها وضليت افغر وابصم

شايب العشرين والشامان


صحت الالسن وتعافت الابدان سجلوا اعجابي


ابيت تعلمني يا حديدان من وين انته جاك البرنت اغرف له يا شايب العشرين ملى زنابيله


تقديري